थुनामा पठाउने आदेशविरुद्ध सन्दीप लामिछानेको पुनरावेदन ‘हेर्न नभ्याइने’
प्रकाशित मिति : पुस १४, २०७९ बिहीबार
![](https://i0.wp.com/www.khasokhas.com/wp-content/uploads/2022/12/Sandeep_Lamichhane_in_2018-1.png?fit=1158%2C935&ssl=1)
सन्दीप लामिछानेले आफूलाई थुनामा पठाउने आदेशविरुद्ध उच्च अदालत पाटनमा दिएको पुनरावेदनको बिहीबारको सुनुवाइ हेर्न नभ्याइनेमा परेको छ ।
जिल्ला अदालत काठमाडौंको पुर्पक्षका लागि थुनामा पठाउन आदेशविरुद्ध लामिछानेले दिएको पुनरावेदनमाथि बिहीबार सुनुवाइका लागि पेसी तोकिएको थियो ।
![](https://i0.wp.com/www.khasokhas.com/wp-content/uploads/2022/10/kathmandu-court.jpg?resize=720%2C451&ssl=1)
उच्च अदालत पाटनका न्यायाधीशद्वय सुभाष पौडेल र किरणकुमार पोखरेलको संयुक्त इजलासमा पेसी तोकिएको थियो । तर, हेर्न नभ्याइनेमा परेको छ ।
नाबालिका बलात्कारको अभियोगमा लामिछानेलाई पुर्पक्षका लागि थुनामा पठाउने आदेश दिएको थियो । तर, उक्त आदेश बेरितको रहेको जिकीर गर्दै लामिछानेले सो आदेश बदरको माग राखेर उच्च अदालत पाटनमा पुनरावेदन दिएका थिए ।