लस एन्जलसबाट फ्रयांकफर्ट उडेको विमानमा ल्यापटपमा आगलागी, शिकागोमा आकस्मिक अवतरण
प्रकाशित मिति : पुस १३, २०७९ बुधबार
अमेरिकाको लस एन्जलसबाट जर्मनीको फ्रयांकफर्ट उडेको विमानमा ल्यापटपमा आगलागी भएपछि शिकागोमा आकस्मिक अवतरण गरिएको छ । लुफ्थान्साको विमानले सोमबार राति शिकागोमा आपतकालीन अवतरण गरेपछि दुईजना उडान परिचरहरूलाई धुवाँ निलेका कारण उपचार गरिएको थियो।
यात्रुको धेरै तातेको ल्यापटपमा आगो लागेको छ । आकस्मिक अवतरणपछि यात्रुहरूलाई अन्य उडानहरूमा सारिएको थियो । लस एन्जलसबाट उडेको विमानलाई शिकागोको अन्तर्राष्ट्रिय विमानस्थलमा अवतरण गर्ने सावधानी पाइलटहरूले लिएको एयरलाइन्सको विज्ञप्तिमा उल्लेख छ।
विज्ञप्तिमा भनिएको छ यात्रुको ल्यापटप अत्याधिक तातेका कारण लागेको सानो आगोको कारण आकस्मिक अवतरण गरिएको थियो । सुरक्षित अवतरण हुनु अघि उडानमा लागेको सानो आगो निभाइएको थियो। जहाजमा सुरक्षा कुनै पनि समयमा सम्झौता गरिएको थिएन।
एयरलाइन्सका अनुशार उडान परिचरहरूलाई धुवाँ निलेको कारण साइटमै उपचार गरिएको थियो । उडान ४५७ मा सवार कुनै यात्रु घाइते भएका थिएनन् । सबै यात्रुहरूलाई अन्य उडानहरूमा पनि पुन बुक गरिएको थियो।
यो घटना गत शुक्रबार फिलाडेल्फियामा स्पिरिट एयरलाइन्सको उडानको आपतकालीन अवतरण लगत्तै भएको हो । पाइलटहरूले क्यानकुनका लागि उडेको विमानमा दुई पटक चट्याङ परेको जानकारी दिएपछि आकस्मिक अवतरण गरिएको थियो ।
गत नोभेम्बरमा क्याबिलनमा धुवाँका कारण एटलान्टाबाट लस एन्जलसको लागि उडेको डेल्टा उडानको आपतकालीन अवतरण गरिएको थियो ।
केबिनमा धुवाँले भरिएपछि उडान २८४६ अन्ततः अल्बुकर्कमा अवतरण गरिएको थियो ।