विश्वको सबैभन्दा लोकप्रिय सामाजिक सञ्जाल अब फेसबुक, दोश्रोमा टिकटक
प्रकाशित मिति : पुस १३, २०७९ बुधबार
गत वर्षको अन्त्यमा सबैको मनपर्ने खोज इन्जिन गुगल विश्वको सबैभन्दा लोकप्रिय वेबसाइट डोमेनको शीर्ष स्थानबाट बाहिरियो। क्लाउडफ्लेयर राडार अनुशार गुगल दोस्रो सबैभन्दा लोकप्रिय डोमेनमा झरेको थियो ।
गत वर्षको अन्त्यमा सांसदहरुको आक्रमणको बावजुद टिकटकले अन्य सबै सामाजिक सञ्जालका प्रतिस्पर्धीहरूलाई पछि पार्दै शीर्ष स्थानमा पुगेको थियो । २०२१ का लोकप्रिय डोमेनमा टिकटक पहिलो, गुगल दोश्रो र फेसबुक तेश्रो स्थानमा रहेका थिए ।
लोकप्रिय भिडियो सेयरिङ एप टिकटकले पहिलो पटक फेब्रुअरी २०२१ मा मात्र एक दिनको लागि नम्बर १ स्थान हासिल गरेको थियो। यद्यपि मार्चमा टिकटक अरु केहीदिन सबैभन्दा लोकप्रिय वेबसाइट बनेको थियो ।
२०२२ का लोकप्रिय डोमेनहरुमा गुगल पहिलो, फेसबुक दोश्रो, एप्पल र टिकटक तेश्रो भएका थिए । त्यस्तै २०२२ का लोकप्रिय सामाजिक सञ्जालमा फेसबुक पहिलो, टिकटक दोश्रो, इन्स्टाग्राम तेश्रो र ट्वीटरमा चौथो स्थानमा छन् ।