युक्रेनका राष्ट्रपति जेलेन्स्कीलाई ह्वाइट हाउसमा स्वागत, जेलेन्स्कीले बाइडेनलाई दिए हिरो अवार्ड
प्रकाशित मिति : पुस ६, २०७९ बुधबार
युक्रेनी राष्ट्रपति भोलोडिमिर जेलेन्स्कीले ह्वाइट हाउसमा अमेरिकी राष्ट्रपति जो बाइडेनसँग भेटवार्ता गरेका छन् । युद्ध सुरु भएपछि आफ्नो पहिलो विदेश यात्रामा जेलेन्स्कीले बाइडेनसँग पत्रकार सम्मेलन गर्ने र साँझ साढे ७ बजे संसदको संयुक्त बैठकलाई सम्बोधन गर्ने छन्।
अमेरिकी राष्ट्रपति बाइडेनले युक्रेनका राष्ट्रपति जेलेन्स्कीलाई बुधबार द्विपक्षीय बैठकको लागि ह्वाइट हाउसमा स्वागत गरेका थिए । स्वागत गर्दै बाइडेनले युक्रेनको आफ्नो रक्षा गर्ने क्षमतालाई सुदृढ गर्न अमेरिकाले सहयोग जारी राख्ने प्रतिवद्धता जनाएका छन् ।
जेलेन्स्कीले बाइडेन र अमेरिकी कांग्रेसलाई उनीहरूको समर्थनका लागि धन्यवाद दिएका छन् । साथै अमेरिकी जनताको पनि प्रशंसा गरेका छन् ।
त्यसपछि जेलेन्स्कीले बाइडेनलाई नायकको पुरस्कार प्रदान गरेका छन् ।
अपरान्ह साढे ४ बजे बाइडेनले जेलेन्स्कीसँग संयुक्त प्रेस सम्मेलनको आयोजना गर्दैछन् ।
बेलुका ६ बजेर १५ मिनेटमा जेलेन्स्की क्यापिटल हिलमा आइपुग्नेछन् । त्यसपछि बेलुका साढे ७ बजे जेलेन्स्कीले संसदको संयुक्त बैठकलाई सम्बोधन गर्ने कार्यक्रम रहेको छ ।
जेलेन्स्की अहिले अमेरिकी सैन्य विमानमा अमेरिका आउदैछन् । फेब्रुअरीको अन्त्यमा रुसले आफ्नो देशमा आक्रमण गरेपछि जेलेन्स्कीको यो पहिलो विदेश भ्रमण हो।
जेलेन्स्कीले वाशिंगटनको अप्रत्याशित यात्रा गरेपछि कीभका बासिन्दाहरू आशावादी छन् ।
