Follow @khasokhasmag

न्युयोर्कबासीले पनि महँगीसँग जुध्न २७० डलर सम्मको राहत चेक पाउने, को को हुनेछन् योग्य?


प्रकाशित मिति : आश्विन ५, २०७९ बुधबार

लगभग १७ लाख न्युयोर्कवासीहरूले अक्टोबर ३१ भन्दा अगाडि नै २७० डलर सम्मको राहत चेक पाउने भएको छ । राज्यमा मुद्रास्फीतिको बोझ कम गर्न डेमोक्रेटिक गभर्नर क्याथी होचुलको प्रयासको एक भागको रूपमा यो राहत पठाइने भएको हो । चेकको रकम कति हुने भन्ने कुरा आम्दानीमा भर पर्नेछ ।

चेक कहिले कहिले पठाउनेभन्नेबारे समयतालिका बताइएको छैन । तर प्रायलाई अक्टाबर ३१ अगाडि नै पठाइने जनाइएको छ । यो राहत चेक ४७५ मिलियन डलरको कर राहत कार्यक्रमको एक हिस्सा हो जुन न्यूयोर्कका सांसदहरूले सेप्टेम्बर ८ मा सार्वजनिक गरेका थिए ।

ट्याक्स फाइल गर्दा एम्पायर स्टेट चाइल्ड क्रेडिट वा अर्नड इन्कम क्रेडिट प्राप्त गर्ने योग्य न्युयोर्कवासीहरूले राहत चेक पाउनेछन् । योग्यहरूले राहत चेक प्राप्त गर्न कुनै कदम चाल्नुपर्दैन । उनीहरुलाई राज्यद्वारा स्वत पठाइनेछ ।

सन् २०२१ को ट्याक्स फाइल गर्नेहरुमा बच्चा नभएका कम आम्दानी भएकाहरुले अर्नड इन्कम ट्याक्स क्रेडिट अन्तरगत १५ सय डलरसम्मको क्रेडिट प्राप्त गरेका थिए जुन सन् २०२० को तुलनामा झण्डै तेब्बर हो । गतबर्ष अमेरिकी राष्ट्रपति जो बाइडेनले हस्ताक्षर गरेको १ दशमलव ९ बिलियन डलरको अमेरिकन रेस्क्यु प्लानमा क्रेडिट विस्तार गर्नुका साथै आम्दानीको मापदण्ड बढाइएको थियो ।

तपाई २०२१ को आम्दानीले योग्य नभएपनि २०१९ को आम्दानी प्रयोग गरेर समेत यो क्रेडिट दावी गर्न सकिने व्यवस्था थियो । जुन बर्षको आम्दानी छनौट गर्दा धेरै रकम पाइनेछ, त्यो बर्षको आम्दानी छनौट गर्न सकिने व्यवस्था थियो । उक्त अर्नड इन्कम ट्याक्स क्रेडिट पाएकाहरुले यो २७० डलरको राहत चेक पनि पाउनेछन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com