बहिनीको उपचारका लागि बैंकले खाताबाट पैसा निकाल्न नदिएपछि बेरुतकी युवतीले अपनाईन यस्तो तरिका
प्रकाशित मिति : भाद्र २९, २०७९ बुधबार
लेबनानको बेरुतस्थित बैंक शाखामा केही कामदारहरू लिएर आएकी एउटी महिला बुधबार खेलौना पेस्तोल लिएर आइपुनि र आफ्नो बैंकको जम्मा रकमबाट अमेरिकी डलर १३ हजार निकालेकी थिइन्। साली हाफिजले स्थानीय अल-जादीद टिभीलाई बताइन् ,उनलाई क्यान्सर भएकी बहिनीको उपचारको लागि पैसाको खाँचो थियो । हाफिजले भनिन् कि उनी विगतमा धेरै पटक बैंकमा आफ्नो कोष माग्न गएकी थिइन् तर उनलाई लेबनानी पाउन्डमा मात्रै प्रति महिना २०० डलर निकाल्न सक्ने भनिएको थियो। हाफिजले खेलौना भएको पेस्तोल आफ्नो भतिजाको भएको बताइन ।
टेलिभिजन च्यानललाई दिएको अन्तर्वार्तामा हाफिजले भनिन् ‘मैले यसअघि बैंकका शाखा प्रबन्धकलाई पैसाको लागि अनुरोध गरेको थिएँ र मैले उहाँलाई भनेकी थिएँ कि मेरी बहिनी मर्दैछ, मसँग धेरै समय छैन। म यस्तो बिन्दुमा पुगेको थिएँ जहाँ मसँग गुमाउनको लागि अरू केही थिएन।’ लेबनानका नगद संकटमा परेका बैंकहरूले २०१९ देखि विदेशी मुद्रा निकासीमा कडा सीमा लगाएका छन्, लाखौं मानिसहरूको बचत बैंकहरूमा अड्किएको छ।
हफिज र निक्षेपकर्ताहरूको समूह ‘डिपोजिटर्स आउटक्राइ’का कार्यकर्ताहरू बीएलओएम बैंकको शाखामा आएर सिधै प्रबन्धकको कार्यालयमा घुसे। उनले बैंकका कर्मचारीहरूलाई १२,००० अमेरिकी डलर र लेबनानी पाउण्ड बराबर १,००० अमेरिकी डलर तिर्न बाध्य पारे।
मिर्गौला बेच्ने सोचमा रहेकी हफिजले उक्त बैंकमा आफ्नो कुल २०,००० अमेरिकी डलर बचत रहेको बताईन । उनले आफ्नो धेरै व्यक्तिगत सामान बेचिसकेकी छिन् र २३ वर्षीया बहिनीको क्यान्सरको उपचारका लागि मिर्गौला बेच्ने सोचमा रहेको बताइन् ।