प्रहरीबाट बच्न सेप्टिक ट्याङ्कीमा हाम फाल्दा एक युवकको मृत्यु
प्रकाशित मिति : भाद्र २५, २०७९ शनिबार
पाकिस्तानको हैदरावादको टन्डो मोहम्मद खानमा प्रहरीको कुटपिटबाट बच्न एक युवकले सेप्टिक ट्याङ्कीमा हाम फालेका छन् । ट्याङ्कीमा डुबेर उनको मृत्यु भएको हो । स्रोतका अनुसार प्रेम कोहलीका ३५ वर्षीय छोरा आलम ज्वरो आएपछि उपचारका लागि सिभिल अस्पताल गएका थिए । त्यहाँ उनको प्रहरीसँग झगडा भएको थियो । त्यहाँ ड्युटीमा रहेका प्रहरी जवान कादिरका रूपमा पहिचान भएका छन् ।
उनको परिवारले आलमलाई प्रहरीले कुटपिट गरेको दाबी गरेका छन् । यो घटना सिसिटिभी क्यामेरामा कैद भएको छ । कुटपिटबाट बच्न आलम अस्पतालबाट जोगिएर सेप्टिक ट्याङ्कीमा हाम फाले । प्रहरीले उनलाई कुटपिट गर्न खोजेको थियो । पीडितका आफन्तले विरोधमा हैदरावाद–सुजावल सडक अवरुद्ध गरेका छन् । उनले प्रहरीमाथि मुद्दा दर्ता गर्न माग गरेका छन् ।