अमेरिकी विदेशमन्त्री अकस्मात युक्रेनको राजधानीमा, ३ बिलियन डलरको हतियार र आर्थिक सहायता घोषणा
प्रकाशित मिति : भाद्र २३, २०७९ बिहीबार
अमेरिकी विदेशमन्त्री एन्टोनी ब्लिन्केनले बिहीबार युक्रेनको राजधानी कीभको अघोषित र अकस्मात भ्रमण गर्दै रूस आक्रमणको सामना गरिरहेको युक्रेनलाई मद्दत गर्न लगभग ३ बिलियन डलरको हतियार र आर्थिक सहायताको घोषणा गरेका छन् ।
युक्रेनका असाधारण फ्रन्ट लाइन रक्षकहरुले आफ्नो देशको स्वतन्त्रताको लागि साहसी भई लडाई जारी राखेको बताउदै ब्लिन्केनले युक्रेनका जनतालाई सहयोग जारी राख्ने बताएका छन् । बिहिबार घोषणा गरिएको बिहीबार घोषणा गरिएको २ दशमलव ८७ बिलियन भन्दा बढी सहायता सँगै अमेरिकालेले युक्रेनलाई फेब्रुअरी २४ यता साढे १३ बिलियन डलर सहयोग गरिसकेको छ ।
ब्लिन्केनले राष्ट्रपति भोलोडिमिर जेलेन्स्कीसँग भेट गरेपछिको प्रेस ब्रीफिंगको क्रममा युक्रेनी नेताले सहयोगका लागि बाइडेन प्रशासनलाई धन्यवाद दिएका छन् । अमेरिका हामीसँग र हाम्रो लागि छ भन्ने कुरा भनेको हाम्रो क्षेत्र, हाम्रो भूमि फिर्ता गर्ने सबै सम्भावनाको ग्यारेन्टी भएको जेलेन्स्कीले बताए ।
यस वर्षको फेब्रुअरीमा द्वन्द्व सुरु भएयता ब्लिन्केनको यो युक्रेनी राजधानीको दोस्रो यात्रा हो। छ महिनाभन्दा बढीको द्वन्द्वमा देशको भ्रमण गर्ने बाइडेन प्रशासनका उनी उच्च पदस्थ अधिकारी हुन्।
अमेरिकी राष्ट्रपति जो बाइडेनले अहिलेसम्म त्यहाँ यात्रा गरेका छैनन् यद्यपि राष्ट्रपतिसँग फोनवार्ता भने भएको छ । रूसले गत फेब्रुअरी २४ मा युक्रेनमा सैन्य कारबाही शुरु गरे यता पश्चिमा देशहरूले यस युद्धलाई अप्रत्याशित युद्धको संज्ञा दिदै मस्कोमाथि कयौं नाकाबन्दी लगाएका छन् ।