चक्रवातको चेतावनीपछि पूर्वी चीनमा फेरी सेवा बन्द, जापान र कोरिया पनि प्रभावित हुन सक्ने
प्रकाशित मिति : भाद्र १९, २०७९ आईतबार
हिमनोर चक्रवातको प्रभावबाट बच्न पूर्वी चीनका सहरहरूमा जाने डुंगा लगायतका सम्पूर्ण सेवाहरु स्थगित गरिएको छ। यो भीषण चक्रवातले जापान, ताइवान र कोरियालाई पनि असर गर्न सक्छ ।
सांघाईले आइतवार फेरी सेवाहरू बन्द गरेको छ र जोखिमपूर्ण क्षेत्रहरूबाट ट्राफिक हटाउन र उद्धारकर्मीहरूलाई सहयोग गर्न ५० हजार प्रहरी खटाएको छ।
पूर्वमा अवस्थित व्यापार केन्द्र वानझाउमा सोमबारका लागि तय गरिएका सबै शैक्षिक कक्षाहरू स्थगित गरिएको छ। चक्रवात हिनामोर २०२२ मा अहिलेसम्मको सबैभन्दा शक्तिशाली चक्रवाती आँधी हो र यो पूर्वी चीन सागरतर्फ सर्ने भविष्यवाणी गरिएको छ।
जापानको ओकिनावाबाट मानिसहरूलाई बाहिर निकालिएको छ र उडानहरू स्थगित गरिएको छ। चक्रवातका कारण कोरियाली प्रायद्वीपमा भारी वर्षाको सम्भावना रहेको छ ।
हङकङ अब्जर्भेटरीका अनुसार चक्रवातको अधिकतम हावा गति १७५ किलोमिटर प्रतिघण्टा हुनसक्छ। चीनको राष्ट्रिय मौसम विज्ञान केन्द्रले आइतबार बिहान १० बजे ‘पहेँलो चेतावनी’ जारी गर्दै उत्तरपूर्वी प्रान्त झेजियाङ, सांघाई र ताइवानमा भारी वर्षा हुने भविष्यवाणी गरेको छ।