आगामी बर्षदेखि न्युयोर्क सिटीमा मेट्रो कार्ड र मेट्रो कार्ड मेसिनहरु हटाइने
प्रकाशित मिति : भाद्र १८, २०७९ शनिबार
न्युयोर्क सिटीको मेट्रो ट्रेनमा मेट्रोकार्डहरू २०२३ सम्ममा हटाएर ट्याप गरेर भाडा तिर्ने ओम्नी प्रणाली पूर्णरुपमा लागु गर्ने योजनासँगै मेट्रो कार्ड मेसिनहरु पनि हटाइते भएको छ । न्युयोर्कवासीहरूको यात्राको अभिन्न अंग बनेका ती मेसिनहरु पनि आगामी बर्षदेखि हटाइने भएका छन् ।
न्युयोर्क म्यागजिनले हालै ती मेसिनहरुप्रति श्रद्धाञ्जली अर्पण गरेको छ । जसले स्मार्टफोन वा क्रेडिट कार्डबाट कन्ट्याक्टलेस भुक्तानी गर्न नसक्नेहरूका लागि नयाँ प्रकारको कार्ड जारी गर्न नयाँ भेन्डिङ मेसिनहरू जडान गरिने भएको छ । सन् २०२३ को सुरुमा त्यस्ता मेसिनहरु जडान गरिने भएको छ ।
सन् २०२३ को अन्तिमसम्म पूर्णरुपमा नयाँ मेसिन जडान गरेर स्वाइप गर्ने पूरानो मेट्रो कार्ड र मेसिनहरु विस्थापित गर्ने योजना रहेको छ । यसलाई न्युयोर्क सिटीको मेट्रो प्रणालीमा एउटा युगको अन्त्यका रुपमा लिइएको छ । किनभने यी मेसिनहरू सन् १९९९ देखि न्युयोर्क सिटीका सबवे स्टेशनको हिस्सा भएका छन् ।