Follow @khasokhasmag

न्युयोर्कका कानून व्यवसायी खगेन्द्र जिसीलाई ‘जनअदालतमा उपस्थीत नभए कारवाही’को धम्की


प्रकाशित मिति : श्रावण २७, २०७९ शुक्रबार

अमेरिका निवासी चर्चित कानून व्यवसायी खगेन्द्र जिसीलाई जनअदालतमा उपस्थीत नभए कारवाही गर्ने धम्की दिइएको छ । नेपालबाट फोन गरेर आफूलाई बारम्बार यस्तो धम्की दिइएको उहाँले जानकारी दिनुभयो ।

जनप्रकाश शर्माका नामबाट ९८४८०७४५९० र ९८४१२६४९१७ नम्बरबाट फोन गरेर आफूलाई एनसेलविरुद्धका मुद्दा लगायतसँग जोडेर झुठो आरोप लगाउँदै रुपन्देहीको जन अदालतमा उपस्थीत हुनभन्दै धम्की दिइएको उहाँले जानकारी दिनुभयो । उक्त व्यक्तिले आफूलाई सख्त कारवाही गर्ने भन्दै धम्की दिएको र राजेन्द्र बजगाईले आफूविरुद्ध जनअदालतमा मुद्दा दायर गरेको भन्दै धम्की दिएको उहाँले बताउनुभयो ।

उक्त व्यक्तिले राजेन्द्र बजगाईहरुसँग मिलेर अपमान हुनेगरी अमानवीय व्यवहार गरेको र विचाराधिन एनसेलविरुद्धको मुद्दालाई प्रभाव पार्नेगरी धम्काएको जिसीले जानकारी दिनुभयो । निजको उक्त कार्य नेपालको मुलुकी अपराध संहिता २०७४ को दफा १६८ १ घ अनुशारको कसुर भएकाले निज तथा निजसँग संलग्न अन्य व्यक्तिलाई समेत खोजी गरेर पक्राउ गरी उक्त ऐनको दफा १६८ २ बमोजिम हदैसम्मको कारवाहीको माग गर्दै उहाँले प्रहरीमा समेत उजुरी दिनुभएको छ ।

कानून व्यवसायी खगेन्द्र जिसी

विगत ३० बर्षभन्दा लामो समयदेखि अमेरिकाको न्युयोर्कमा कानून व्यवासयमा संलग्न रहदै आउनुभएका जिसीमा अमेरिकामा वकालत गर्ने पहिलो नेपाली अमेरिकन वकिल हुनुहुन्छ । उहाँले नेपाल सरकारको तर्फबाट अन्तर्राष्ट्रिय अदालतमा नेपाल सरकार र एनसेलविरुद्धको विचाराधिन मुद्दामा नेपाल सरकारका प्रतिनिधित्व गर्दै बहस गर्दै आउनुभएको छ ।

विभिन्न अन्तर्राष्ट्रिय अदालतमा चलेका मुद्दाहरुको नेपाल सरकारका तर्फबाट प्रतिनिधित्व गर्दै आउनुभएका जिसी परराष्ट्र मन्त्रालयका तर्फबाट अनररी एनआरएन सल्लाहकार समेत रहनुभएका साथै सोसलिष्ट इन्टरनेशनलमा नेपालका तर्फबाट प्रतिनिधित्व गर्दै आउनुभएको छ । उहाँ एनआरएन अमेरिकाका पूर्व अध्यक्ष समेत हुनुहुन्छ ।

फोन गर्ने व्यक्तिले आफूविरुद्ध लगाइएका आरोपमा कुनै सत्यता नभएको र आफूले कानून व्यवयायीका रुपमा प्रतिनिधित्व गर्ने बाहेक अन्य कुनै संलग्नता नभएको उहाँले बताउनुभयो । उहाँले भन्नुभयो – ‘राजेन्द्र बजगाई लगायतको टिमले नेपालमा विदेशी लगानी भित्राउन अवरोध गरिरहेको छ । नेपालमा लगानी गर्न खोज्ने विदेशीहरुलाई तर्साएर नकारात्मक सन्देश दिइएका छन् । सरकारले समयमै उचित कदम नचालेमा यसको प्रभाव विदेशी लगानीकर्ताहरुमा निकै नकारात्मक हुनेछ ।’

जनअदालतमा उपस्थीत हुन भन्दै धम्की दिइएपनि कस्को जनअदालतमा उपस्थीत हुने भन्नबारे फोन गर्ने व्यक्ति केही खुलाएका छैनन् । एनसेलका सन्दर्भमा बोल्ने आफ्नो कुनै नीति नभएको र यसरी धम्की दिने व्यक्ति आफ्नो पार्टीको नभएको विप्लव नेतृत्वको नेपाल कम्युनिष्ट पार्टीका एकजना केन्द्रीय सदस्यले बताए । जिसीलाई फोन गरेर धम्की दिनेमा आफ्नो पार्टीको कुनै संलग्नता नभएको समेत उनले बताए ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com