Follow @khasokhasmag

बाइडेन प्रशासनले आप्रवासीका लागि ल्याउन लागेको नयाँ आईडी कस्तो हो ?


प्रकाशित मिति : श्रावण १३, २०७९ शुक्रबार

बाइडेन प्रशासनले अमेरिका मेक्सिको सीमामा आप्रवासीहरूलाई नयाँ परिचयपत्र जारी गर्ने तयारी गरिरहेको छ । अमेरिकी अध्यागमन अधिकारीहरू र आप्रवासीहरूलाई उनीहरूको फाइलहरूमा छिटो पहुँच कायम गर्न सहज हुनेगरी परिचयपत्र जारी गरिने जनाइएको छ ।

यो कार्ड अमेरिकाभित्र विमानमार्फत यात्रा गर्नका लागि टीएसएले पनि स्वीकार गर्ने जनाइएको छ । सिमा क्षेत्रमा आप्रवासीहरुलाई प्रकृयामा लैजाने क्रमलाई आधुनिकीकरण र सुव्यवस्थित गर्नका लागि सुरक्षित डकेट कार्ड जारी गरिने जनाइएको छ ।

यो कार्ड जारी गर्नका लागि आइसले संसदलाई सुचना दिने काम पूरा गर्दैछ भने डिपार्टमेन्ट अफ होमल्याण्ड सेक्युरिटीले यो योजना लागु गर्न १० मिलियन डलर बजेट मागेको छ । नयाँ आईडी कार्डमा आप्रवासीको जानकारीको साथ नयाँ पोर्टलमा पहुँच कायम गर्ने क्युआर कोडसहित फोटो, नाम र राष्ट्रियता समावेश गरिनेछ ।

कार्डमा भएको क्युआरकोर्डमार्फत नयाँ पोर्टलमा आप्रवासीहरुले आइस समक्ष उपस्थीत हुनुपर्ने तालिका लगायत अदालतमा सुनुवाईका मिति लगायतका विवरणहरु प्राप्त गर्न सक्नेछन् । सुरुमा मेक्सिको अमेरिका सिमाक्षेत्रमा मात्र यो कार्ड जारी गरिने भएतापनि भविश्यमा विस्तार गर्दै लैजाने योजना रहेको छ ।

अध्यागमन अधिकारीले कार्डवाहकलाई जाँच गर्दा सजिलैसँग डिपार्टमेन्ट अफ होमल्याण्ड सेक्युरिटीको प्रणालीहरू मार्फत कार्ड प्रमाणित गर्न सक्नेछन् । साथै आप्रवासीले शरण खोजिरहेको छ वा सम्भवतः देशनिकालाको आदेश छ कि छैन भनेर निर्धारण गर्न सक्नेछन् ।

अहिले अमेरिकाभित्र विमानबाट यात्रा गर्दा टीएसएले नोटिस टु अपियरलाई मान्यता दिदै आएको छ । यो कागजात आप्रवासीको मुद्दा अध्यागमन अदालतमा अगाडि बढाउने क्रममा निश्चित मितिमा अदालतमा उपस्थीत हुनका लागि दिइएको आदेश हो । नयाँ कार्ड जारी भएपछि आप्रवासीले यात्रा गर्दा नोटिस टु अपियरको साटो उक्त कार्ड देखाए पुग्नेछ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com