Follow @khasokhasmag

अमेरिकी अदालतमा ३६०१ नेपालीका एसाइलम पेन्डिङ


प्रकाशित मिति : असार १६, २०७४ शुक्रबार

अमेरिकाको अध्यागमन अदालतमा ३६०१ जना नेपालीका अध्यागमन सम्बन्धि मुद्दा पेन्डिङ अवस्थामा रहेको एक्जुकेटिभ अफिस फर इमिग्रेशन रिभ्युले जनाएको छ । त्यो बाहेक अरु १० वटा अपराधसँग सम्बन्धित नेपालीका केसहरु पनि इमिग्रेशन अदालतमा पेन्डिङ रहेका छन् ।

एसाइलमका पेन्डिङ केसहरुमध्ये न्युयोर्कको अदालतमा मात्र २ हजार १० जना नेपालीका एसाइलमसम्बन्धि मुद्दाहरु रहेका छन् भने न्युयोर्कपछि सबैभन्दा धेरै पेन्डिङ मुद्दाहरु क्यालिफोर्नियाको अदालतमा ७५६ वटा रहेका छन् । त्यसपछि टेक्सासको अदालतमा २६६ र मासाचुसेट्सको अदालतमा ९५ जना नेपालीका एसाइलम सम्बन्धि मुद्दा पेन्डिङ रहेका छन् । अदालतमा बाहेक युएससीआईएसमा पनि नेपालीका सयौं मुद्दाहरु पेन्डिङ अवस्थामा छन् ।

न्युयोर्क, भर्मोन्ट र कनेक्टिकट क्षेत्राधिकार भएको पुनरावेदन अदालत सेकेण्ड सर्किटले नेपालको राजनीतिक अवस्थामा परिवर्तन आएको भन्दै एकजना नेपालीको एसाइलम मुद्दा अस्वीकार गरेपछि अदालतमा पेन्डिङ केस हुने नेपालीहरुमाझ अन्यौल छाएको छ । माओवादी युद्धका कारण नेपाल फर्कन डर भएको आधारमा फाइल गरिएको एसाइलम सेकेण्ड सर्किट कोर्टबाट अस्वीकार भएको सन्दर्भमा यसैलाई नजिर मानेर माओवादीको डर भएको देखाउदै फाइल गरिएका मुद्दा स्वीकृत हुने सम्भावना कम भएको विश्लेषण गरिएको छ ।

अमेरिकामा एसाइलम गर्ने अधिकांश नेपालीहरुले आफूलाई नेपाल फर्कन माओवादीको डर भएको कारण देखाउदै आएका छन् । तर माओवादीका कारण नेपालमा फर्कन अब कुनै डर नभएको भन्दै सेकेण्ड सर्किट कोर्टले एकजना नेपालीको एसाइलम अस्वीकृत गरिदिएपछि विस्तारै अमेरिकामा नेपालीको एसाइलम संकटमा पर्ने सम्भावना देखिएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com