Follow @khasokhasmag

क्यालिफोर्निया निवासी नेपाली विद्यार्थी सुमन वाइबाका दुबै मृगौला क्षतिग्रस्त, प्रत्यारोपणका लागि सहयोगको अपिल


प्रकाशित मिति : असार १९, २०७९ आईतबार

क्यालिफोर्निया निवासी नेपाली विद्यार्थी सुमन वाइबाका दुबै मृगौला क्षतिग्रस्त भएपछि प्रत्यारोपणका लागि सहयोगको अपिल गरिएको छ । २६ वर्षीय सुमन वाइबा तामाङ अन्तर्राष्ट्रिय विद्यार्थीका रूपमा अमेरिका आएका हुन् ।

बेलमोन्ट क्यालिफोर्नियामा बस्दै आएका र कलेज अफ सान माटेओबाट बीबीए गरिरहेका उनलाई गत डिसेम्बरमा मृगौला रोग लागेको पत्ता लागेको थियो । गत डिसेम्बरमा उनी अस्पतालमा चेकअपका लागि जाँदा अन्तिम अवस्थाको मृगौला रोग लागेको र दुबै मृगौला क्षतिग्रस्त भएको पत्ता लागेको थियो ।

चिकित्सकहरुले उनलाई बाँच्ने उपायका रुपमा या त मृगौला प्रत्यारोपण गर्न या त डायलासिस गर्न सुझाव दिएका छन् । उनले आफ्नो मृगौला प्राप्तकर्ताको प्रतिक्षा सूचीमा सूचीकृत गरेपनि प्राप्त गर्नको लागि करिब ५ देखि ७ वर्षसम्म लाग्नसक्ने देखिएको छ।

चिकित्सकका अनुसार मलाई एनिमिया र युरेमिक पनि छ। हरेक दिन घरमा ९ घण्टा डायलाइसिस गर्ने र काम समेत गर्न नसक्ने अवस्थामा रहेका उनले मृगौला प्रत्यारोपणका लागि भारत जाने योजनामा रहेको उल्लेख गर्दै सहयोगको अपिल गरेका छन् । ७० वर्षीय आमाबाबुको एक्लो छोरा रहेको र परिवार पनि आर्थिक रुपमा आफूमाथि नै निर्भर रहेको उनले उल्लेख गरेका छन् ।

भारतमा मृगौला प्रत्यारोपण गर्न ६० लाखसम्म खर्च लाग्ने भन्दै ७५ हजार डलर लक्ष्यसहित गोफण्डमीमा सहयोगको अपिल गरिएको छ । उनले भनेका छन् – ‘मलाई आशा छ कि मेरो परिवार, साथीहरू र शुभचिन्तकहरूले मेरो अवस्था बुझ्नुहुनेछ र यो विदेशी भूमिमा मेरो जीवन बचाउन मद्दत गर्नुहुनेछ। म यो रोगलाई जित्न चाहन्छु।’

यदि तपाई पनि सहयोग गर्न चाहनुहुन्छ भने यहाँ क्लीक गर्नुहोला ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com