Follow @khasokhasmag

साकेला नाच्दै सकियो किरात राईको भेला, जुलाई १० मा न्युयोर्कमा साकेला


प्रकाशित मिति : असार १८, २०७९ शनिबार

युनाईटेड किरात राई अर्गनाईजेसन अफ अमेरिकाको वासिंटन डिसी, मेरिल्याण्ड, भर्जिनिया, पेन्सलभेनिया च्याप्टरको दोस्रो भेला साकेला नाच्दै सम्पन्न भएको छ। अमेरिकाको मेरिल्याण्डमा भएको भेलामा संस्थाको हालै सम्पन्न अधिवेशनबाट चुनिएका पदाधिकारीहरु तथा आजिवन सदस्यहलाई प्रमाणपत्र दिइयो ।

कार्यक्रममा युनाईटेड किरात राई अर्गनाईजेसन अफ अमेरिकाका पूर्वसभापति मिलन राईले साकेलाको शुभकामना दिए । उनले संस्थाको संरचनाको परिवर्तन गर्नुपर्ने विचार व्यक्त गर्दै सम्पूर्ण किरातहरु अझै एकृकित हुँदै मजबुत एकता निर्माण गर्नु पर्ने सुझाए।

हामी नेपाली ग्लोबल न्युयोर्क च्याप्टरका अध्यक्ष ध्रुब कुंवर, युक्राका केन्द्रिय उपाध्यक्ष केशव राई, युक्रा न्यूयोर्क च्याप्टरकी अध्यक्ष ममता खालिङ राई लगायतले साकेलाको शुभकामना दिए । उनीहरुले जुलाई १० मा न्युयोर्कमा हुने साकेला कार्यक्रममा उपस्थितिका लागि अमेरिकामा रहेका सम्पूर्ण नेपालीलाई निम्तो समेत दिए ।

कार्यक्रमको सभापतित्व डिएमभिपी च्याप्टरकी अध्यक्ष समिता राईले गरेकी थिइन्। कार्यक्रममा उपाध्यक्षमा डा भविराज राईले स्वागत मन्तव्य दिए । युक्राका केन्द्रिय समितिका उपाध्यक्ष कुसुम राईको प्रमुख आतिथ्यमा भएको कार्यक्रममा नक्छुंग पदम चम्लिङ्ग, डा. सेर बहादुर लिम्बु, विष्णु देवान, हामी नेपाली ग्लोबल न्युयोर्क च्याप्टर, युक्रा न्युयोर्क च्याप्टर तथा कलाकार संघ अमेरिकाकी वरिष्ठ उपाध्यक्ष वसन्ती राई लगायत दिए ।

कार्यक्रममा युक्राका केन्द्रिय उपाध्यक्ष केशव राईले बालबालिकाहरुलाई साकेला सिली सिकाएका थिए।

डिएमभिपीको कार्यकारी समितिमा हाल अध्यक्ष समिता राई, उपाध्यक्षमा डा. भविराज राई, महासचिव सरिता राई र कोषाध्यक्षमा प्रितम राई रहेका छन्। त्यस्तै, सदस्यहरुमा विवेक राई, रुरु राई र सुमी राई रहेका छन्। यस च्याप्टरको सल्लाहाकारमा मिलन राई रहेका छन्।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com