अमेरिकी दूतावास काठमाडौंबाट भिजिटर भिसामा रेकर्ड ब्रेक, गत महिना २०२३ लाई भिजिटर भिसा

खसोखास अमेरिका ब्यूरो

---

प्रकाशित मिति : असार ८, २०७९ बुधबार

अमेरिकी दूतावास काठमाडौं

अमेरिकी दूतावास काठमाडौंले भिजिटर भिसामा रेकर्ड ब्रेक गरेको छ । गत महिना अर्थात् मे महिनामा अमेरिकी दूतावास काठमाडौंले २०२३ जनालाई भिजिटर भिसा जारी गरेको छ । कुनैपनि महिनामा यति धेरैलाई अमेरिकी दूतावास काठमाडौंले भिजिटर भिसा जारी गरेको मासिक रेकर्ड सार्वजनिक गर्न थालेपछिको यो नै पहिलो पटक हो । सन् २०१७ को मार्चदेखि अमेरिकी विदेशमन्त्रालयले मासिक रुपमा जारी भिसा संख्या सार्वजनिक गर्न थालेको हो ।

कोरोना महामारी सुरुभएपछि अत्यन्तै कमलाईमात्र भिजिटर भिसा जारी गरिरहेको अमेरिकी दूतावास काठमाडौंले मे महिनामा अहिलेसम्मका सबै रेकर्डहरु तोड्दै भिजिटर भिसा जारी गरेपनि डिभी लगायतका अन्य आप्रवासी भिसाहरु भने निकै कममात्र जारी गरेको छ । मे महिनामा अमेरिकी दूतावास काठमाडौंले आफ्नो जनशक्ति भिजिटर भिसा र विद्यार्थी भिसा जारी गर्नमा लगाएको देखिन्छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

अमेरिकी दूतावास काठमाडौंले मे मा ८५० जनालाई विद्यार्थी भिसा दिएको छ । डिपेन्डेन्टका रुपमा भिसा पाउनेहरु थप ५७ जना रहेका छन् । अप्रिलमा भने अमेरिकी दूतावास काठमाडौंले १३४० लाई भिजिटर भिसा र १८८ लाई विद्यार्थी भिसा जारी गरेको थियो । तर अप्रिलमा भने दूतावासले आफ्नो जनशक्ति डाइभर्सिटी भिसा जारी गर्नमा बढी केन्द्रीत गरेको देखिएको छ ।

अमेरिकी दूतावास काठमाडौंले उल्लेख्य संख्यामा विना अन्तरवार्ता भिजिटर भिसा नविकरण समेत गरिरहेको छ । विगतमा भिजिटर भिसा लिएका र भिसा सकिएको ४८ महिना ननाघेकाहरुले यो सुविधा पाइरहेका छन् । त्यस्तै विगतमा कुनै पनि प्रकारको गैर आप्रवासी भिसा लिएकाहरुलाई पनि विना अन्तरवार्ता विद्यार्थी भिसा प्राप्त गर्ने सुविधा रहेको छ ।