पोर्चुगलमा नेपाली दुतावास माग
प्रकाशित मिति : असार १३, २०७४ मंगलबार
नेपालीहरुको बाक्लो बसोवास रहेको पोर्चुगलमा दुताबास माग गर्न गठीत संघर्ष समितीको बैठक लिस्बोनमा सम्पन्न भएको छ ।
संघर्ष समितीका अध्यक्ष तथा एनआरएन केन्द्रिय समन्वय समितिका सदस्य रमेश कुमार गुरुङको अध्यक्षतामा बसेको बैठकले विभिन्न उपसमितिहरु बनाई दुतावास माग गर्न पहल गर्ने जानकारी दिएको छ ।
बैठकले रमेश गुरुङको संयोजकत्वमा एक सचिवालय गठन गरेको छ भने एनआरएन पोर्चुगलका अध्यक्ष भिम कमल केसीको संयोजकत्वमा प्रस्तावना लेखन उपसमिति गठन गरेको छ ।
सोही बैठकले कमल गुरुङलाई हस्ताक्षर संकलनको जिम्मेवारी तोकेको छ ।
संघर्ष समितीको आर्थिक संयोजकको रुपमा धनराज शेर्पालाई जिम्मेवारी दिएको उक्त बैठकले सचिवालयको कामलाई व्यवस्थित बनाउन सचिवालय सदस्य सचिबमा रोवोट लिम्बुलाई तोकेको छ ।
बैठकमा एनआरएन पोर्चुगलका अध्यक्ष भिम कमल केसी, प्रवासी नेपाली मञ्चका अध्यक्ष गोविन्द पौडेल लगायत नेपाली समुदायको बाक्लो उपस्थिति रहेको सदस्य सचिब रोवोट लिम्बुले जानकारी दिए ।
करिव २० हजारको हाराहारीमा नेपालीको बसोबास रहेको पोर्चुगलमा दुतावास स्थापनाको लागि विगत लामो समयदेखि यहाँ संघर्ष चलिरहेको एनआरएन पोर्चुगलका उपाध्यक्ष शम्भु गौतमले जानकारी दिए ।
लोकान्तरबाट