विदेशमा रहेका नेपालीलाई निर्वाचनमा सहभागी गराइने, एनआरएन परिचयपत्र डिजिटल बनाइने (पूर्णपाठ)
प्रकाशित मिति : जेष्ठ १०, २०७९ मंगलबार
सरकारले आधुनिक सूचना प्रविधिको प्रयोग गरी प्रवासमा रहेका नेपालीलाई समेत निर्वाचनमा सहभागी गराउन आवश्यक व्यवस्था मिलाउने घोषणा गरेको छ । मंगलबार राष्ट्रपति विद्यादेवी भण्डारीले संसदमा आर्थिक बर्ष २०७९÷८० को नीति तथा कार्यक्रम प्रस्तुत गर्दै निर्वाचन सम्बन्धि एकीकृत कानून तर्जुमा गर्ने र विदेशमा रहेका नेपालीलाई निर्वाचनमा सहभागी गराउन व्यवस्था मिलाउने घोषणा गरेकी हुन् ।
नीति तथा कार्यक्रममा विदेशमा नेपालीको हकहित संरक्षण गर्ने र समस्यामा परेका नेपालीलाई सहयोग गर्ने कार्यलाई प्रभावकारी बनाइने नीति लिइने उल्लेख गरिएको छ। त्यस्तै कन्सुलर सेवालाई सरल, सहज र पहुँचयोग्य तुल्याउन स्थानीय तहसँगको सहकार्यलाई थप विस्तार गरिने नीति तथा कार्यक्रममा उल्लेख छ ।
विद्युतीय राहदानी सहज रुपमा उपलब्ध गराइनेछ र गैरआवासीय नेपालीलाई डिजटल परिचयपत्र जारी गरिने पनि नीति तथा कार्यक्रममा उल्लेख छ । नेपालीले विदेशमा आर्जन गरेको आय र सिपलाई देशभित्र रोजगारी तथा स्वरोजगारीका अवशर सिर्जनामा उपयोग गर्न प्रोत्साहित तथा रेमिट्यान्सलाई औपचारिक माध्यमबाट भित्राउन थप प्रोत्साहन दिइने नीति तथा कार्यक्रममा उल्लेख छ ।
नीति तथा कार्यक्रमको पूर्ण पाठ पढ्न यहाँ क्लीक गर्नहोला ।