आज विधवा दिवस, सिएनएनमा सन्तुकुमारी महर्जन

प्रकाशित मिति : असार ९, २०७४ शुक्रबार

संयुक्त राष्ट्रसंघले २३ जुनलाई विधवा दिवशको रुपमा मनाउदै आएको छ । र राष्ट्रसंघले उनीहरुलाई अदृश्य महिलाको समेत संज्ञा दिदै आएको छ । विश्वका कैयन देशमा विधवालाई लाञ्छना लगाउने गरिन्छ । अमेरिकादेखि केन्याहुँदै नेपालसम्मका त्यस्ता विधवा महिलाहरु भावनात्मक र आर्थिक लगायतका सहयोगबाट बञ्चित हुँदै आएका छन् । आज विधवा दिवशका अवशरमा विश्व चर्चित संचारमाध्यम सिएनएनले विश्वका ७ जना महिलाहरुको कथा प्रस्तुत गरेको छ, जसमा नेपालकी सन्तुकुमारी महर्जनको कथा पनि समावेश छ ।

जब सन्तुकुमारी ३२ बर्षकी थिइन्, उनका श्रीमान् मृगौलासम्बन्धी रोगबाट पीडित भए । उपचारका लागि सन्तुकुमारीले खेतबारी बेच्नुपरेको थियो । जब उनका श्रीमान् बिते तब सन्तुकुमारीले असाध्यै अप्ठ्यारो अवस्थाको सामना गर्नुपर्यो । उनका बच्चाहरु सानासाना भएकाले हरेक दिन जीवनयापन गर्न नै निकै मुस्किल थियो । सन्तुकुमारीको १९ बर्षको उमेरमा विवाह भएको थियो । श्रीमान् वितेपछि उनी शोकमा थिइन् तर उनले आफ्नो र बच्चाहरुको जीवनयापनका लागि कमाउनुपर्ने थियो । बच्चाहरुलाई कपडा र खानाका लागि उनले अरुको खेतबारीमा काम गर्नुपरेको थियो ।

विधवाका रुपमा सन्तुकुमारीले धेरै विभेदको पनि सामना गर्नुपरेको थियो । उनी कसैसँग कुरा गर्दा सबैले हाँस्ने र ताली बजाउने गर्थे । आफ्नै भाईबुहारीबाट समेत उनले अपमान सहनुपरेको थियो । उनीहरुले सन्तुकुमारीलाई गोप्यरुपमा अर्कैै मान्छेसित भागेको र विवाह गरेको आरोप समेत लगाए । उनीसँग सबैकुरा सहनुको कुनै विकल्प नै थिएन। उनीसँग सहयोग र कुरा गर्ने कोही पनि थिएन ।

सिएनएनमा प्रकाशित सन्तुकुमारी सहितका ७ जना विधवाको कथा पढ्न यहाँ क्लिक गर्नुहोला । 

जब सन् २०१५ मा नेपालमा भूकम्प गयो, उनी घरभित्र बसेर खाना खाँदै थिइन् । उनले आँखा बन्द गरेर भुकम्प रोकिने प्रतिक्षा गरिन् । भुकम्प तत्काल नरोकिएपछि उनी घरबाहिर निस्किन् । उनी त्यहाँबाट बाहिर निस्कनासाथ उनको घर ढल्यो । उनका सबै सामानहरु पुरिए । उनको अवस्था पहिले भन्दा पनि दर्दनाक भयो । पहिले नै श्रीमान् गुमाएकी सन्तुकुमारीको बाँकी सम्पत्ति पनि सेकेण्डभरमा नै विनाश भएपछि उनको मन छियाछिया भयो ।

भुकम्पपछि उनीसँग कुनै आम्दानी थिएन । राहत सामाग्रीपनि बाहिर निस्केर बोल्न सक्नेहरुलेमात्र पाए । पुरुषहरु बाहिर निस्केर बोल्न सक्ने भएकाले प्राथमिकतामा परे । एकल महिलाहरु बाहिर निस्केर बोल्न सकेनन् । यदि महिला एकल छिन् भने उनलाई चुपलाग्न भनिन्छ । किनभने उनको श्रीमान् हुँदैन । भुकम्पपछि वुमन फर ह्युमन राइट भन्ने संस्थाले उनीहरुमध्ये १५ जनालाई अस्थायी घर निर्माणमा सघायो । संस्थाले पानीका पाइप, बाल्टीहरु पनि प्रदान गरेको थियो । सन्तुकुमारीले आफ्नै मिहिनेतले जिवनयापन गर्न थालिन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com