ट्रेनमा भएको गोलीकाण्डपछि न्युयोर्कबासी नियमित ट्रेनयात्रामा, बन्दुकधारी अझै फरार
प्रकाशित मिति : चैत्र ३०, २०७८ बुधबार
मंगलबार ट्रेनमा भएको गोलीकाण्डपछि न्युयोर्कबासीहरु बुधबार नियमित ट्रेनयात्रामा फर्केका छन् । तर गोलीकाण्डका संदीग्ध ६२ बर्षको व्यक्ति भने अझै पनि फरार रहेको प्रहरीले जनाएको छ । २३ जना घाइते हुने गरी भएको उक्त गोलीकाण्डमा १० जनामाथि गोली लागेको थियो भने अरु १३ जना भागदौड र धुँवाका कारण घाइते भएका थिए ।
न्युयोर्कका मेयर एरिक आडम्सले संदीग्ध व्यक्ति फ्रयांक जेम्स रहेको बताएका छन् । उक्त गोलीकाण्डमा एकजनामात्र संदीग्ध रहेका छन् । उक्त व्यक्तिले ट्रेनभित्र धुँवा फैलाउने ग्रिनेड समेत हानेको जनाइएको छ । उक्त व्यक्तिबारे कुनै जानकारी भएमा खबर गरिदिन प्रहरीले अनुरोध गरेको छ ।
६२ बर्षीय उक्त व्यक्तिले फिलाडेल्फियामामा भ्यान भाडामा लिएर आएको जनाइएको छ । घटनास्थलबाट प्रहरीले ह्याण्डगन लगायतका हतियारका सामाग्रीहरु र विष्फोटकहरु समेत बरामद गरेको थियो । प्रहरीले गाडी सडकमा छाडिएको अवस्थामा भेटाएको थियो ।
घटनामा गोली लागेका १० मध्ये ५ जनाको अवस्था गम्भिर रहेको जनाइएको छ । तर कोहीपनि ज्यान गुमाउने जोखिममा भने नरहेको प्रहरीले जानकारी दिएको छ । अधिकारीहरुले बन्दुकधारीबारे सुचना दिनेलाई ५० हजार डलर पुरस्कार तोकेका छन् ।