अमेरिकाको मासाचुसेट्सबाट २७ बर्षका नेपाली युवा अजित गुरुङ बेपत्ता
प्रकाशित मिति : फाल्गुन २१, २०७८ शनिबार
अमेरिकाको मासाचुसेट्सबाट २७ बर्षका नेपाली युवा बेपत्ता भएका छन् । उनी मंगलबारदेखि हराइरहेकोमा अहिलेसम्म फेला नपरेको जनाइएको छ ।
मासाचुसेट्सको एभरेटमा बस्दै आएका अजित गुरुङ अहिलेसम्म पनि नभेटिएपछि उनको बारेमा कुनै खबर प्राप्त भएमा प्रहरीमा खबर गर्न अनुरोध गरिएको छ । उनी अन्तिमपटक मार्च १ को दिउसो १ बजेतिर मेडफोर्डको फेल्सवे वेष्ट सालेम स्ट्रीटमा देखिएको जनाइएको छ ।
उनले कालो ज्याकेट लगाएको जनाइएको छ । ५ दशमलव ८ फिट अग्ला उनी १८५ पाउण्ड रहेको जनाइएको छ । उनको परिवारले उनलाई सम्पर्क गर्न नसकेपछि उनलाई खोज्नमा सघाउन सबैसँग अपिल गरेका छन् ।
