राष्ट्रपति पुटिन युक्रेनसँग वार्ता गर्न तयार, यस्ता छन् सर्तहरु
प्रकाशित मिति : फाल्गुन १३, २०७८ शुक्रबार
क्रेमलिनका प्रवक्ता दिमित्री पेस्कोभले बेलारुसको राजधानी मिन्स्कमा युक्रेनसँग वार्ता गर्न रुस तयार रहेको बताएका छन् । रुसको सरकारी समाचार एजेन्सी रिया नोवोस्तीका अनुसार प्रवक्ताले भनेका छन् तर यी वार्ताहरू युक्रेनलाई ‘तटस्थ स्थिति’घोषणा गर्ने र सेना घटाउने विषयमा हुनेछन्।
रुस युक्रेन नाटोमा सामेल नहोस् भन्ने चाहन्छ । युक्रेन संकटका सम्बन्धमा रुसले अमेरिका र अन्य पश्चिमी देशहरूसँग वार्ता गरिरहेको बेला पनि रुसको मुख्य माग युक्रेनलाई नेटोमा समावेश नगर्नु नै थियो । युक्रेनी राष्ट्रपति भोलोडिमिर जेलेन्स्कीले रुसी राष्ट्रपति भ्लादिमिर पुटिनसँग वार्ताका लागि आह्वान गरेका छन् ।
यसअघि रुसी विदेशमन्त्री सर्गेई लाभरोभले युक्रेनी सेनाले हतियार नदिएसम्म वार्ता हुन नसक्ने बताएका छन् । क्रेमलिनका प्रवक्ताले मिन्स्कमा वार्ताको कुरा गरेका छन्। रुस र युक्रेनबीचको सम्बन्धको हिसाबले यो स्थान महत्त्वपूर्ण छ।
पूर्वी युक्रेनमा रुस समर्थक विद्रोही र युक्रेनी सेनाबीचको रक्तपातपूर्ण द्वन्द्वपछि सन् २०१४ मा मिन्स्क–१ र २०१५ मा मिन्स्क–२ सम्झौतामा हस्ताक्षर भएको थियो । सन् २०१५ को फेब्रुअरीमा बेलारुसको राजधानी मिन्स्कमा रुस, युक्रेन, जर्मनी र फ्रान्सका नेताहरूको उपस्थितिमा यो सम्झौतामा हस्ताक्षर भएको थियो।
यसअन्तर्गत रुस समर्थक पृथकतावादीहरूले कब्जामा लिएका क्षेत्रमा शान्ति स्थापनाका लागि कदम चाल्नुपर्ने थियो। अब रुसको आक्रमणलाई मिन्स्क सम्झौताको उल्लङ्घनका रूपमा हेरिएको छ ।-BBC