बेलायतका प्रधानमन्त्रीले पुटिनलाई तानाशाहको संज्ञा दिँदै भने, ‘युक्रेनमा भएको आक्रमण घृणित र बर्बर’
प्रकाशित मिति : फाल्गुन १२, २०७८ बिहीबार
बेलायती प्रधानमन्त्री बोरिस जोनसनले आफूले युक्रेनी राष्ट्रपति जेलेन्स्कीसँग कुरा गरेको र बेलायतको समर्थन प्रस्ताव गरेको बताएका छन् । आशंका गरिएका सबै सत्य सावित भएको उनले बताए । बोरिस जोनसनले रुसको आक्रमणबारे दिइएको चेतावनी सत्य साबित भएको बताए ।
उनले रुसी राष्ट्रपति पुटिनले युरोपमा युद्ध सुरु गरेको बताएका छन् । बोरिस जोनसनले पुटिनले मित्र राष्ट्रमाथि कुनै उत्तेजना वा बहाना बिना आक्रमण गरेको बताएका छन् । बेलायती प्रधानमन्त्रीले भने – निर्दोष जनतामा बम प्रहार भइरहेको छ । जमिन, वायु र समुद्रबाट व्यापक आक्रमण जारी छ। यो एक देश होइन जुन टाढा छ र जसको बारेमा हामीलाई धेरै कम थाहा छ। उनले भने कि युक्रेन युरोपको दोस्रो ठूलो देश हो, जसमा वर्षौंदेखि लोकतन्त्र र स्वतन्त्रता छ।
उनले रुसको आक्रमण पुटिनको घृणित र बर्बर कार्य भएको र यो असफलतामा टुङ्गिने बताए । बेलायती प्रधानमन्त्रीले पुटिनले युक्रेनमा हिंसाको लहर ल्याएको बताएका छन् । रुसका जनतालाई प्रत्यक्ष सम्बोधन गर्दै बोरिस जोनसनले भनेका छन्, ‘तपाइँको नाममा यो काम भइरहेको छ भन्ने विश्वास नगर्ने । उनले युक्रेनका जनतालाई पनि सम्बोधन गर्दै भने, ‘हामी तपाईंको साथमा छौँ । तपाईं र तपाईंको परिवारका सदस्यहरूको लागि प्रार्थना गर्दैछौं।
बेलायती प्रधानमन्त्री बोरिस जोनसन रुस-युक्रेन विवादको बीचमा सम्बोधन गर्दै। पीएम जोन्सनले भने कि आज हामीले हाम्रा केही सहयोगीहरूसँग रुसमाथि केही आर्थिक प्रतिबन्ध लगाउने सहमति गरेका छौं। जसका कारण उनको अर्थतन्त्र पनि खस्किनेछ । हामीले ग्यास र तेलका लागि रुसमाथि भर नपर्ने निर्णय पनि गरेका छौं । प्रधानमन्त्री बोरिस जोनसनले संकटको यो घडीमा हामी युक्रेनको साथमा छौँ भन्न चाहन्छु भने ।
"This crisis is about the right of a free, sovereign, independent European people to choose their own future and that is a right the UK will always defend", PM Boris Johnson says
For the latest follow our live page: https://t.co/smr42XzFw0 pic.twitter.com/JajewWWpvw
— BBC News (UK) (@BBCNews) February 24, 2022