युक्रेनले भन्यो, ‘रुसको आक्रमणमा सात जनाको मृत्यु, कैयौं घाइते’
प्रकाशित मिति : फाल्गुन १२, २०७८ बिहीबार
रुसी बम आक्रमणमा परी सात जनाको मृत्यु भएको युक्रेनी प्रहरीले जनाएको छ । पोडिल्स्कमा रहेको सैन्य शिविरमा भएको आक्रमणमा छ जनाको मृत्यु भएको र सात जना घाइते भएको अधिकारीहरूले बताएका छन् । १९ जना बेपत्ता रहेको बताइएको छ ।
प्रहरीका अनुसार मेरियोपोलमा एक जनाको मृत्यु भएको छ । रुसी राष्ट्रपति पुटिनले बिहीबार बिहान युक्रेनमा सैन्य कारबाही गर्ने घोषणा गरेका छन् । त्यसयता रुसले युक्रेनका धेरै सैन्य अखडाहरूमा आक्रमण गरिसकेको छ । युक्रेनले पनि यसको पुष्टि गर्दै धेरै ठाउँमा क्षेप्यास्त्र प्रहार भएको बताएको छ ।
तर, रुसले नागरिक लक्ष्यमा हमला नगरेको कुरा अस्वीकार गर्दै आएको छ । यसैबीच संयुक्त राष्ट्रसंघीय सुरक्षा परिषद्को आपतकालीन बैठकमा सदस्य राष्ट्रले संयम अपनाउन सुझाव दिएको छ । धेरै देशले कूटनीतिक माध्यमबाट समाधान खोज्नुपर्ने बताएका छन् ।-BBC