इयु र बेलायत रूसी ग्यास परियोजनाहरूविरुद्ध प्रतिबन्ध लगाउने तयारी गर्दै
प्रकाशित मिति : माघ १४, २०७८ शुक्रबार
FRANKFURT, GERMANY – JULY 9: Euro sign. European Central Bank headquarters in Frankfurt in Germany in summer day on July 9, 2014 in Frankfurt, Germany.
युरोपेली संघ र बेलायतले युक्रेनमा रुसले आक्रमण गरेमा लगाइने नयाँ रुसी ग्यास परियोजनाहरू विरुद्ध प्रतिबन्ध लगाउने तयारी गर्दै गरेको सञ्चार माध्यमले जनाएका छन् ।
फाइनान्सियल टाइम्सका अनुसार, नयाँ प्रतिबन्धहरू अमेरिकी सहयोगमा विकसित भइरहेको छ र भविष्यका ग्यास परियोजनाहरूका लागि वित्तपोषण र प्रविधि हस्तान्तरणमा कटौती गर्ने उद्देश्यसहितको हुनेछ।
यदि त्यसो भयो भने यी प्रतिबन्धहरूले रुसी ऊर्जा क्षेत्रमा लगानी गर्ने बीपी, टोटल र शेल जस्ता युरोपेली दिग्गजहरूलाई असर गर्नेछ।
पछिल्ला केही महिनाहरूमा पश्चिम र युक्रेनले रुसमाथि आक्रमणको कथित तयारीमा युक्रेनी सीमा नजिकै सेना केन्द्रित गरेको आरोप लगाएका छन्।
यता रुसले भने बारम्बार युक्रेनमा आक्रमण गर्ने आफ्नो मनसाय नभएको बताउँदै आएको छ भने उसलाई आफ्नै क्षेत्रमा सेना सार्ने अधिकार छ भन्ने कुरामा जोड दिँदै आएको छ।
यस्तै अमेरिकी विदेश मन्त्रालयका प्रवक्ता नेड प्राइसले एनपीआरसँग भने, ‘म स्पष्ट पार्न चाहन्छु कि यदि रुसले युक्रेनमाथि कुनै पनि प्रकारको हमला गर्छ भने नर्ड स्टिम २ अघि बढ्न पाउने छैन ।’ तर युक्रेनो सीमामा लाखौँ रुसी सैनिक तैनाथ हुँदा तनाव र हमलाको डर बढेको छ ।
तर पाइपलाइनलाई कसरी रोकिनेछ भन्नेबारे सुक्ष्म जानकारीमा आफू जान नचाहेको उनले बताएका छन् । यस्तोमा प्रश्न यो उठ्छ कि के अमेरिकासँग साँच्चै नै यो परियोजना रद्द गर्ने शक्ति छ ?