बालबालिकालाई लगाइने १६ लाख ६० हजार मोडर्ना खोप आयो
प्रकाशित मिति : माघ ११, २०७८ मंगलबार
नेपालमा कोरोना भाइरस विरुद्धको मोडर्ना खोप १६ लाख ६० हजार मात्रा आएको छ । विश्व बैंकको सहयोगमा कोभ्याक्स सुविधा अन्तर्गत १६ लाख ६० हजार मात्रा मोडर्ना खोप सोमबार साँझ आइपुगेको स्वास्थ्य सेवा विभाग व्यवस्थापन महाशाखा अन्तर्गत आपूर्ति शाखा प्रमुख सुरेन्द्र चौरसियाले जानकारी दिनुभयो ।
मोडर्ना खोप १२ देखि १७ वर्ष उमेर समूहका बालबालिकालाई लगाइने छ । उहाँका अनुसार अहिलेसम्म नेपालमा करिब चार करोड १९ लाख मात्रा खोप आइसकेको छ ।
मोडेर्ना खोपलाई अन्य खोपको तुलनामा निकै कम तापक्रममा भण्डारण गरिनु पर्छ। तत्काल प्रयोग गरिने हो भने चाहिँ १ डिग्री सेन्टिग्रेडमा राखिन्छ। दुई महिनाभन्दा लामो अवधिदेखि म्याद सकिने मिति सम्मका लागि माइनस २० देखि २५ डिग्री सेन्टिग्रेड तापक्रममा भण्डारण गर्नु पर्ने बताइन्छ।
यो खोप लगाएका बालबालिकालाई सामान्य किसिमका प्रभावहरू देखिन सक्ने सङ्क्रामक रोग विज्ञहरू बताउँछन्। विज्ञहरूका अनुसार खोप लगाएका बालबालिकामा खोप लगाएको ठाउँमा दुख्ने, फोका जस्तो देखिने, ज्वरो आउनेजस्ता सामान्य समस्या देखिन सक्छन्।
भन्छन् “बालबालिकालाई मास्कको प्रयोग गर्न, छिनछिनमा हात हुन वा स्यानिटाइजर प्रयोग गराउन मुस्किल हुन्छ। त्यसैले खोप लगाउँदा सुरक्षा बढ्छ, सङ्क्रमण भइहाले पनि अवस्था गम्भीर बन्नबाट रोक्छ ”