संघीय सरकारी कर्मचारीलाई भ्याक्सिन अनिवार्य गर्ने बाइडेनको नियममा पनि अदालतबाट रोक
प्रकाशित मिति : माघ ७, २०७८ शुक्रबार
संघीय सरकारी कर्मचारीलाई कोरोनाबिरुद्धको भ्याक्सिन अनिवार्य गर्ने बाइडेन प्रशासनको नियम कार्यान्वउनमा पनि अदालतले रोक लगाएको छ । गतसाता ठूला व्यवसायमा काम गर्ने कामदारलाई भ्याक्सिन अनिवार्य गर्ने नियमलाई सर्वोच्च अदालतले रोक लगाएको थियो ।
संघीय कर्मचारीहरुलाई कोरोनाबिरुद्धको भ्याक्सिन अनिवार्य गर्ने नियम कार्यान्वयनमा भने टेक्सासको संघीय अदालतले रोक लगाएको हो । बाइडेनले नोभेम्बर २२ सम्म संघीय सरकारी कर्मचारीहरुले अनिवार्य भ्याक्सिन लगाउनुपर्ने वा कारवाही भोग्नुपर्ने गरी आदेश जारी गरेका थिए । जस अन्तरगत ३५ लाख कर्मचारीहरु समेटिएका थिए ।
हालै सर्वोच्च अदालतले व्यक्त गरेको कानूनको वर्तमान अवस्था अन्तरगत नै संघीय कर्मचारीहरुलाई भ्याक्सिन अनिवार्य गर्ने नियम कार्यान्वयनमा रोक लगाइएको डिस्ट्रिक्ट कोर्टका न्यायाधिस जेफ्री ब्राउनले बताएका छन् । रोजगारको शर्तमा लाखौं कर्मचारीहरुलाई चिकित्सा प्रकृयाबाट गु्रजन बाइडेनले बाध्य पार्न सक्ने नसक्ने भन्ने नै मूल प्रश्न रहेको र सर्वोच्चले यसलाई स्पष्ट पारिसकेको उनको भनाई छ ।
पूर्व राष्ट्रपति डोनाल्ड ट्रम्पबाट नियुक्त न्यायाधिस ब्राउनले मास्क लगाउने र सामाजिक दुरी कायम गर्नेजस्ता कम आक्रमक उपायबाट सरकारले सार्वजनिक स्वास्थ्यको रक्षा गर्नसक्ने बताएका छन् । बाइडेन प्रशासनले यो निर्णयविरुद्ध पुनरावेदन अदालत जाने बताएको छ । ह्वाइट हाउस प्रवक्ता जेन साकीले ९८ प्रतिशत संघीय कर्मचारीहरुले भ्याक्सिन लगाइसकेको वा मेडिकल तथा धार्मिक छुट पाएको बताएकी छिन् । कानूनी अधिकारबारे आफू विश्वस्त भएको उनले बताइन् ।
डिपार्टमेन्ट अफ कमर्समा १६ वर्षको सरकारी अनुभवका साथ सर्वेक्षण तथ्याङ्कविद्का रुपमा कार्यरत ब्रायन फाउचेलाई जनवरी १९ मा दिइएको एउटा पत्रमा भनिएको थियो कि उनले आफ्नो खोपको स्थिति खुलासा गर्न अस्वीकार गरेको कारण जनवरी ३० देखि १४ दिनको लागि निलम्बन गरिनेछ । अमेरिकी जनगणना ब्यूरोको पत्रले फाउचेलाई सूचित उनको दुर्व्यवहार धेरै गम्भीर रहेको र त्यसलाई सहन नगरिने उल्लेख गरेको अदालतको रेकर्डमा रहेको पत्रको प्रतिलिपिमा जनाइएको छ ।
उनलाई खोप आवश्यकताहरू पूरा गर्न असफल भएमा उसलाई बर्खास्त गर्न सकिने चेतावनी दिइएको थियो । सरकारी खोप आवश्यकताहरू विरुद्ध जाने अदालतको निर्णयहरूको श्रृंखलामा न्यायाधीशको निर्णय पछिल्लो हो।
कोरोनाले दुई वर्ष लामो महामारीमा अमेरिकामा ८ लाख भन्दा बढी मानिसको ज्यान लिइसकेको छ र अर्थतन्त्रमा ठूलो असर पारेको छ।
युनाइटेड एयरलाइन्स र टायसन फूड्स इंक जस्ता ठूला रोजगारदाताहरूले लगभग सबै कर्मचारीहरूलाई खोप लगाइएको दावी गरेका छन् ।