यी हुन् टिकटकमा सबैभन्दा धेरै कमाउने टिकटक स्टारहरु
प्रकाशित मिति : पुस २५, २०७८ आईतबार
टिकटक मनोरञ्जनको साधनमात्र होइन, कतिपयका लागि आम्दानीको राम्रो माध्यम पनि हो । फोब्र्सले सबैभन्दा धेरै कमाउने टिकटक स्टारहरुको सुची प्रकाशित गरेको छ ।
गतबर्षको तुलनामा यो बर्ष सबैभन्दा धेरै कमाउने टिकटर स्टारहरुको आम्दानी बढेको छ । उनीहरुले सन् २०२१ मा ५५ मिलियन डलर कमाएको जनाइएको छ ।
टिकटकमा सबैभन्दा धेरै कमाउने स्टार हुन् चार्ली डिमेलियो । उनका १३३ मिलियन फ्लोअर रहेका छन् । उनले टिकटकबाट सन् २०२१ मा साढे १७ मिलियन डलर कमाएको फोब्र्सको अनुमान छ । उनले टिकटकमा ठूला ठूला ब्राण्डको प्रवद्र्धन गरेबापत उक्त रकम कमाएकी हुन् ।
त्यस्तै चार्लीकी दिदी डिक्सी डिमेलियो टिकटकमा सबैभन्दा धेरै कमाउनेमा दोश्रो नम्बरमा छिन् । उनका ५७ मिलियन फ्लोअर छन् भने उनले टिकटकमा सन् २०२१ मा १० मिलियन डलर कमाएको अनुमान गरिएको छ ।
त्यस्तै तेश्रो नम्बरमा एडिसन राय रहेकी छिन् । उनका ८६ मिलियन फ्लोअर रहेका छन् भने उनले टिकटकमा एकबर्षमा साढे ८ मिलियन डलर आम्दानी गरेकी छिन् । अमेरिकन इगल लगायतका चर्चित ब्राण्डको स्पोन्सर गरेर उनले टिकटकबाट मनग्गे आम्दानी गरिरहेकी छिन् ।
चौथो नम्बरमा बेला पोर्च रहेकी छिन् । उनका टिकटक फ्लोअरहरु ८७ मिलियन रहेका छन् । उनले टिकटकबाट बार्षिक ५ मिलियन डलर आम्दानी गर्छिन् । उनले गतबर्ष गुगल, प्राडा, टिन्डर लगायतको विज्ञापन गरेकी थिइन् । त्यस्तै धेरै कमाउने टिकटक स्टारमा चौथो नम्बरमा नै रहेका छन् जोस रिचार्ड । २६ मिलियन फ्लोअर रहेका उनको बार्षिक आम्दानी ५ मिलियन रहेको छ ।
पाँचौं नम्बरमा रहेकी क्रिस कोलिन्सका ४२ मिलियन फ्लोअर छन् । उनको आम्दानी पौने ५ मिलियन डलर रहेको छ । उनको रमाइलो परिवारका सदस्यहरु बसेर हेर्न सकिने खालको छ । उनले पनि ठूला ठूला ब्राण्डहरुको स्पोन्सर पाएकी छिन् । त्यस्तै अवनी ग्रेगको पनि ५९ मिलियन फ्लोअरका साथ बार्षिक आम्दानी पौने ५ मिलियन डलर रहेको छ ।