कोलोराडोमा भएको आगलागीमा झण्डै ६ सय घर ध्वस्त, नेपालीका घरहरु समेत क्षतिग्रस्त
प्रकाशित मिति : पुस १६, २०७८ शुक्रबार
कोलोराडोमा भएको भीषण आगलागीमा सयौं घर जलेर नष्ट भएका छन् । बोल्डर काउन्टीमा बिहिबार सुरु भएको आगो केही घण्टामा नै झण्डै १६०० एकडमा फैलिएको थियो भने सयौं घरमा क्षति पुगेको छ । झण्डै ३० हजार व्यक्तिलाई त्यसक्षेत्रबाट खाली गराइएको थियो ।
हावाबाट आगो फैलिदै आगलागीमा झण्डै ६ सय घर ध्वस्त भएका छन् भने कैयन नेपालीहरुका घरहरु पनि जलेर नष्ट भएका छन् । सुपेरियरमा रहेको आफ्नो घर जलेपछि आफूहरु अहिले होटलमा बसिरहेको एकजना नेपालीले जानकारी दिए । कतिजना नेपालीका घर जले भन्नेबारे थप विवरण प्राप्त भएको छैन ।
नेपालीहरुसँगै तिब्बतीहरुका घरपनि जलेर नष्ट भएका छन् ।
आगलागीमा एकजना उद्दारकर्ता र ६ जना अन्य व्यक्ति घाइते भएका छन् । अन्य कुनै मानवीय क्षति भएका विवरण भने आएका छैनन् । तर बोल्डर काउन्टीका प्रहरीले अझ धेरै घाइते भएका हुनसक्ने र मृत्यु समेत भएको हुनसक्ने बताएका छन् ।
१ सय ५ माइल प्रतिघण्टाको दरले हावा चल्दा आगोको फैलावट तीब्र गतिमा भएको थियो ।
