Follow @khasokhasmag

घरेलु हिंशाबिरुद्ध अमेरिकाको न्युजर्सीमा रेडसारी इभेन्ट, अमेरिकन समेत रातो सारीमा


प्रकाशित मिति : मंसिर १, २०७८ बुधबार

अमेरिकाको न्युजर्सीको एउटा कार्यक्रममा सहभागी सबै महिलाहरुले रातो सारी लगाए । अमेरिकामा नेपाली र दक्षिण एसियाका महिलाहरुको शशक्तिकरणका पक्षमा महिलाका लागि महिला भन्ने भन्ने नाराका साथ रेड सारी इभेन्ट गरिएको हो ।

न्युजर्सीको जर्सी सिटीमा रहेको एचसीसीसी लाइब्रेरी भवनमा कार्यक्रम आयोजना गरिएको हो । न्युजर्सीमा रहेको स्वास्थ्य संस्था ‘केयर पोइन्ट’ अन्तरगत ‘हड्सन स्पीक्स’ले संचालन गरेको बोलो बेहेन अभियानका क्रममा आयोजित ‘रेड सारी इभेन्ट’मा महिलाहरु रातो सारीमा उपस्थीत भएका हुन् ।

कार्यक्रममा बोल्दै अधिकारकर्मी डाक्टर बिष्णुमाया परियारले अमेरिकामा दक्षिण एसियाली मुलका महिलाहरुले भोग्नुपरेका हिंशा र त्यसका प्रकृतिबारे जानकारी दिदै सबै प्रकारका हिंशाबिरुद्ध आवाज उठाउनुपर्ने बताइन् ।

कार्यक्रममा न्युजर्सी विधानसभाका एसेम्बलीम्यान राज मुखर्जी, जर्सी सिटी काउन्सिल प्रेसिडेण्ट जोयस वाटरम्यान, अध्यागमन मामलाका डिभिजन डाइरेक्टर माइक म्याकलियन, स्पेशल भिक्टिम युनिटको हड्सन काउन्टी कमाण्डर क्याप्टेन जाभियर तोरो, राष्ट्रसघंमा आवद्ध स्याण्डी हेकर, हडसन काउन्टीको बालबालिका र परिवार विभागका प्रतिनिधि वैदेही स्क्रीनिवासन लगायतको उपस्थीति रहेको थियो भने उनीहरुले पनि दक्षिण एसियाली तथा नेपाली महिलाहरुमाथि हुने घरेलुहिंशाबिरुद्ध ऐक्यवद्धता जनाएका थिए ।

कार्यक्रममा न्युजर्सी र न्युयोर्कका नेपाली महिलाहरु रातो सारीमा उपस्थीत भएका थिए । हरेक बर्ष गरिने यो कार्यक्रममा उपस्थीत नेपाली र दक्षिण एसियाली बाहेक अमेरिकन महिलाहरुले समेत ऐक्यवद्धताका लागि रातो सारी लगाउदै आएका छन् । महिलामाथि हुने हिंशाबिरुद्ध आवाज उठाउँदै आएको बोलो बहन अर्थात् स्पीक सिस्टरको उत्सवका रुपमा यो कार्यक्रम आयोजना गरिदै आएको छ ।

यो अभियान अन्तरगत हिन्दी, बंगाली, अँग्रेजी लगायतका भाषामा सेवा सुरु गरिएकोमा अब नेपाली भाषामा समेत सेवा विस्तार गरिसकिएको छ ।

न्यूजर्सीको हड्सन काउन्टीमा घरेलु र यौनहिंसाबाट पीडित भएका दक्षिण एसियाली महिलाहरुलाई निःशुल्क सेवा प्रदान गर्ने उद्धेश्यले स्पीक सिस्टर अर्थात् ‘बोलो बहन’ अभियान संचालन गरिएको हो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com