अमेरिकामा निकोलश तूफानको त्रास, लुजियानामा संकटकाल
प्रकाशित मिति : भाद्र २८, २०७८ सोमबार
अमेरिकाको लुजियानामा उष्ण कटबन्धीय तूफान निकोलश आउनु अगाडि राज्य संकटकालको घोषणा गरिएको छ । हरिकेन आइदाबाट थलिएर उठ्ने प्रयास गरिरहँदा निकोलश तूफानले बाढी आउनसक्ने भन्दै गभर्नर जोन बेल एडवार्डले संकटकालको घोषणा गरेका हुन् ।
निकोलश तूफान दक्षिणी गल्फ अफ मेक्सिकोमा निर्माण भएको छ भने बलियो हुँदै अगाडि बढेको छ । निकोलश तूफानले प्रतिघण्टा ६४ किलोमिटरको गति लिएको र मेक्सिकोको ला पेस्काबाट १७० माइल पूर्व दक्षिणपूर्णमा आएको आइतबार बेलुका ७ बजे जारी एड्भाइजरीमा जनाइएको थियो ।
I have declared a state of emergency for Louisiana in advance of Tropical Storm #Nicholas, which has formed in the Gulf of Mexico and is forecasted by the @NWS to bring heavy rains and flash flooding to the state in the coming days.📄https://t.co/PWHF37T6LU. #lagov #lawx
— John Bel Edwards (@LouisianaGov) September 13, 2021
लुजियानाका केही भागमा निकोलशका कारण बाढी र भारी बर्षाको अनुमान गरिएको छ । साताको मध्यसम्म यस्तो सम्भावना रहेको भन्दै संकटकालको घोषणा गरिएको हो । सन् २०२० मा हरिकेन लाउराले प्रभाव पारेको क्षेत्रमा नै निकोलश तूफानको प्रभाव पर्ने अनुमान गरिएको छ भने हालै आइदाले प्रभाव पारेको स्थानमा भारी बर्षा हुने अनुमान छ ।
#Nicholas has formed in the Gulf of Mexico – the 14th named storm of 2021 Atlantic #hurricane season to date. Only 4 other years in satellite era (1966 onwards) have had 14+ named storms by 12 September: 2005, 2011, 2012, 2020 pic.twitter.com/IwC2M1eSac
— Philip Klotzbach (@philklotzbach) September 12, 2021
यो तूफानका कारण केही स्थानमा विद्युत आपूर्तिमा अवरोध आउने गभर्नर एडवार्डले चेतावनी दिएका छन् । निकोलश सन् २०२१ मा एटलान्टिकको १४ औं तूफान हो, जसले आधाभन्दा बढी अमेरिकामा प्रभाव पारेको थियो । आइदा यो सिजनकै सबैभन्दा खराब आँधी हो, जसले न्युयोर्क, न्युजर्सी लगायतका विभिन्न राजयमा झण्डै ५० जनाको ज्यान लिएको थियो । न्युयोर्कमा आइदाका कारण आएको बाढीले ३ जना नेपालीको मृत्यु भएको थियो ।
निकोलशका कारण ६५ माइल प्रतिघण्टासम्मको गतिमा आँधी आउने अनुमान रहेको छ ।