नेपालमा कोरोनाः संक्रमितभन्दा निको हुनेको संख्या बढी


प्रकाशित मिति : भाद्र ५, २०७८ शनिबार

नेपालमा शनिबार दैनिक संक्रमितभन्दा निको हुनेको संख्या बढी देखिएको छ। २४ घण्टामा देशभर २ हजार ३ सय ८२ जना निको भएर घर फर्किएका छन्। शनिबार संक्रमण पुष्टि हुनेको संख्या भने २ हजार ७५ छ।

नेपालमा हालसम्म संक्रमणमुक्त हुनेको संख्या ६ लाख ९५ हजार ९ सय २५ छ भने निको हुने दर ९३.३ प्रतिशत छ।

यस्तै, देशभर सक्रिय संक्रमितको संख्या ३९ हजार ३२१ रहेको छ। तीमध्ये ३६ हजार १५ होम आइसोलेसनमा, ३ हजार ३ सय ६ जना संस्थागत आइसोलेसनमा, ४ सय २३ जना क्वारेन्टाइनमा, ७ सय १८ जना आइसीयूमा र १ सय ६६ जना भेन्टिलेटरमा छन्।

शनिबार कोरोना संक्रमणबाट ३० जनाको मृत्यु भएको छ। नेपालमा हालसम्म कोरोना संक्रमणबाट १० हजार ४ सय ८५ जनाको मृत्यु भएको छ। मृत्युदर १.५ प्रतिशत छ।

बितेका २४ घण्टामा देशभर ६३ हजार ९६३ जनाले कोरोनाविरुद्धको खोप लगाएको स्वास्थ्य मन्त्रालयले जनाएको छ।

उपत्यकामा ६६७ सङ्क्रमित थपिए
काठमाडौँ उपत्यकामा ६६७ सङ्क्रमित थपिएका छन् । काठमाडौँमा ४८३, ललितपुरमा १०३ तथा भक्तपुरमा ८१ जनामा सङ्क्रमण पुष्टि भएको मन्त्रालयले जनाएको छ । काठमाडौँमा हाल सक्रिय सङ्क्रमितको सङ्ख्या सात हजार ६६३, भक्तपुरमा एक हजार ४८१ तथा ललितपुरमा दुई हजार २९२ रहेको छ।

 

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com