Follow @khasokhasmag

अमेरिका निवासी बुढा मगर दम्पत्तिले ६५ लाखमा पूर्वी रुकुममा बनाइदिए खुलामञ्च


प्रकाशित मिति : श्रावण ३१, २०७८ आईतबार

अमेरिकाको पेन्सिलभेनिया बस्दै आएका गौप्रसाद बुढा मगर र बिनाकुमारी बुढा मगरले दिवंगत बुबाआमाको सम्झनामा पूर्वी रुकुमको पुथा उत्तर गंगामा ६५ लाख रुपैयाको लागतमा खुलामञ्च निर्माण गरेका छन् । अमेरिकामा बिगत ९ बर्ष देखि रेष्टुरेन्ट व्यवसाय गर्दै आएका उनीहरुले बुबाआमाको सम्झनामा प्रवेश–रामजी स्मृति खुला मञ्च निर्माण गरेका हुन् ।

प्रवेश बुढा मगर र रामजी बुढा मगर विनाकुमारीका बुवा–आमा हुन् भने गौप्रसादका ससुरा–सासु हुन्। तकस्थित फुटबल खेलमैदानमा जुनसुकै आमसभा एवं कार्यक्रम तथा विभिन्न खेलकुद प्रतियोगिता आयोजना हुँदा मञ्चका रूपमा प्रयोग गरिने भएको छ।

२५ फिटको उचाइ, ४२ फिटको लम्बाइ रहेको खुला मञ्चभित्रै दुई शौचालय, दुई आरामकक्षसँगै गेट निर्माण गरिँदै छ। गत चैतमा निर्माण सुरु गरिएकोमा अब अब गेट निर्माणको काम मात्र बाँकी रहेको छ ।

यसै महिना उक्त खुला मञ्च गाउँपालिकालाई हस्तान्तरण गरिने भएको छ । जिल्लामा अहिलेसम्म सरकारी लगानीमा समेत खुला मञ्च निर्माण नगरिएको अवस्थामा व्यक्तिगत रुपमा नै खुलामञ्च बनाइएको हो ।

२०७४ सालमा पनि पुथाउत्तरगंगा–११ स्थित उत्तरगंगा आधारभूत विद्यालय उपल्लो सेरामा गौप्रसाद बुढा मगरले दिवंगत बुबाको नाममा ४५ लाख रुपौँया लगानीमा तीन कोठाको भवन निर्माण गरेका थिए ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com