यसरी हुँदैछ एमालेको संगठनात्मक ढाँचा परिर्वतन (विधानको पूर्णपाठसहित)
प्रकाशित मिति : श्रावण २५, २०७८ सोमबार
एमालेको संगठनात्मक ढाँचा परिवर्तन हुने भएको छ। सोमबारको केन्द्रीय कमिटीबाट पारित विधान संशोधन प्रस्तावका अनुसार एमालेको केन्द्रीय कमिटी अब २२५ सदस्यीय हुनेछ।
पदाधिकारीको संख्यामा पनि हेरफेर गरिएको छ। अब एक अध्यक्ष, २ उपाध्यक्ष, एक महासचिव, २ उपमहासचिव र ७ सचिव रहने भएका छन्।
केन्द्रीय कमिटीमा वैकल्पिक सदस्यको व्यवस्था हटाइने भएको छ। केन्द्रीय कमिटीले मनोनित गर्न सक्ने केन्द्रीय कमिटीको सदस्य संख्या बढीमा १० प्रतिशत कायम गर्ने व्यवस्था गरिएको छ। यस्तै, एमालेमा अब पोलिटब्यूरो रहनेछैन भने स्थायी कमिटी ३५ सदस्यीय हुने भएको छ।
केन्द्रीय कमिटी तथा केन्द्रीय निकायको निर्वाचनमा समावेशिता र समानुपातिक तथा प्रादेशिक सन्तुलन कायम गर्ने व्यवस्था गरिएको छ।
यस्तै, शर्त पूरा गरेर सदस्यता प्राप्त गरेपछि ६ महिनासम्म परीक्षणकाल रहनेछ। संशोधित विधानले ७० वर्ष उमेर पार गरेका वरिष्ठलाई ज्येष्ठ कम्युनिष्ट मञ्चको सदस्यता प्रदान गर्ने व्यवस्था गरिएको छ। अञ्चल समन्वय कमिटीको सट्टा निर्वाचित र कार्यकारी हैसियतको प्रदेश कमिटीको व्यवस्था गरिनेछ भने प्रतिनिधिसभा र प्रदेश सभा निर्वाचन क्षेत्रमा आवश्यकताअनुसार निर्वाचन क्षेत्र समन्वय कमिटी निर्माण हुनेछ।
निर्वाचनमा प्यानल बनाउन बन्देज गरिएको छ भने सबै तहका पार्टी कमिटी, आयोग वा परिषद्मा न्यूनतम ३३ प्रतिशत महिना प्रतिनिधित्व सुनिश्चित गरिनेछ ।
