नेपालमा थप १८७५ मा संक्रमण पुष्टि, २१ जनाको मृत्यु
प्रकाशित मिति : श्रावण २, २०७८ शनिबार
नेपालमा थप १ हजार ८७५ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार १० हजार ६६ नमुना परीक्षण गरिएकोमध्ये उक्त संख्यामा संक्रमण पुष्टि भएको हो।
योसँगै नेपालमा संक्रमितको संख्या ६ लाख ६५ हजार ८ सय ८६ (पिसिआर विधिबाट गरिएको परीक्षण) पुगेको छ।
हाल देशभर सक्रिय संक्रमितको संख्या २५ हजार ९५२ छ। मन्त्रालयको तथ्यांकअनुसार पछिल्लो २४ घन्टामा २ हजार १६४ जना संक्रमणमुक्त भएका छन्। योसँगै नेपालमा ६ लाख ३० हजार ४०७ ले कोरोना जितिसकेका छन्।
शनिबार कोरोना संक्रमणबाट २१ जनाको मृत्यु भएको छ। हालसम्म ९ हजार ५२७ जनाले कोरोनाका कारण ज्यान गुमाएका छन्।
मन्त्रालयका अनुसार पछिल्लो २४ घण्टामा उपत्यकामा थप ४२८ जनामा संक्रमण पुष्टि भएको छ। जसमा काठमाडौंमा २९९, भक्तपुरमा ५२ र ललितपुरमा ७७ छन्। हाल उपत्यकामा ७ हजार ३९९ सक्रिय संक्रमित छन्।