कोरोना संक्रमणबाट हुने मृत्यु बढ्दै, २४ घण्टामा ४३ को मृत्यु
प्रकाशित मिति : श्रावण १, २०७८ शुक्रबार
नेपालमा कोरोना संक्रमणका कारण मृत्यु हुनेको संख्या बढ्दै जान थालेको छ। निषेधाज्ञा खुकुलो बनाइएयता संक्रमितको संख्या केही भएको देखिए पनि मृत्यु हुनेको संख्या बढ्दै गएको हो।
शुक्रबार देशभर ४३ कोरोना संक्रमितको मृत्यु भएको छ। यसअघि असार ३१ गते ३३ जनाको मृत्यु भएको थियो भने २८ गते १८ जनाको मृत्यु भएको थियो।
हालसम्म देशभर ९५०६ जनाको मृत्यु भइसकेको छ भने मृत्युदर १।५ प्रतिशत रहेको छ।
स्वास्थ्य तथा जनसंख्या मन्त्रालयका अनुसार शुक्रबार देशभर २ हजार ९ सय ३६ कोरोना संक्रमित थपिएका छन्। ९ हजार ६ सय १३ जनामा पिसिआर र ४ हजार ५ सय ६९ जनामा एन्टिजेन विधि प्रयोग गरी परीक्षण गरिएकोमा २९३६ जनामा कोरोना पुष्टि भएको हो।
काठमाडौंमा ३४३, भक्तपुरमा ६२ र ललितपुरमा १३६ गरी उपत्यकामा ५४१ जना कोरोना संक्रमित थपिएका छन्।
त्यस्तै, शुक्रबार देशभर १ हजार ७ सय ७५ जना संक्रमणबाट मुक्त भएका छन्। योसँगै कोरोनाबाट निको हुनेको संख्या ६ लाख २८ हजार २४३ पुगेको छ।