नेपालमा कोरोनाबाट ३३ को मृत्यु, २०७६ जनामा संक्रमण पुष्टि
प्रकाशित मिति : असार ३१, २०७८ बिहीबार
नेपालमा कोरोना संक्रमणबाट थप ३३ जनाको मृत्यु भएको छ। योसँगे नेपालमा कोरोनाबाट मृत्यु हुनेको संख्या ९ हजार ४ सय ३६ पुगेको छ।
यस्तै, पछिल्लो २४ घण्टामा देशभर दुई हजार ७६ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार १२ हजार ७६८ नमुना परीक्षण गर्दा उक्त संख्यामा संक्रमण पुष्टि भएको हो।
बिहीबार देशभर एक हजार ७५७ संक्रमणमुक्त भएका छन्। हालसम्म कुल संक्रमित मध्ये ६ लाख २५ हजार ५७० जना संक्रमित निको भइसकेका छन्।
बिहीबार देशभर २६ हजार ३३९ सक्रिय संक्रमित रहेको स्वास्थ्य मन्त्रालयले जनाएको छ। तीमध्ये २४ हजार २५ जना संक्रमित होम आइसोलेसन र २ हजार ६१४ संस्थागत आइसोलेसनमा छन्।
संस्थागत आइसोलसनमध्ये ६०२ जना आइसियुमा र १७१ जनाको भेन्टिलेटरमा राखि उपचार भइरहेको मन्त्रालयले जनाएको छ। देशभर २९२ जना क्वारेन्टाइनमा छन्।