नेपालमा कोरोना संक्रमितको संख्या ७ लाख नाघ्यो
प्रकाशित मिति : असार ३०, २०७८ बुधबार
नेपालमा कोरोना संक्रमितको संख्या ७ लाख नाघेको छ। स्वास्थ्य तथा जनसंख्या मन्त्रालयका अनुसार नेपालमा संक्रमितको संख्या ७ लाख ६ हजार ७ सय ६१ पुगेको हो। पिसिआर परीक्षणबाट ६ लाख ६० हजार ७ सय ८८ र एन्टिजेन परीक्षणमा ४५ हजार ९ सय ७३ जनामा गरी ७ लाख ६ हजार ७ सय ६१ जनामा संक्रमण पुष्टि भएको हो।
पछिल्लो २४ घण्टामा देशभर दुई हजार ९०५ जनामा कोरोना संक्रमण पुष्टि भएको छ। १३ हजार २४ जनाको पिसिआर र एन्टीजेन परीक्षणमा दुई हजार ९०५ नमुना परीक्षण गरिएकोमा २ हजार ९ सय ५ जनामा संक्रमण पुष्टि भएको हो।
हाल दैनिक नेपालको संक्रमणदर १९ दशमलब २ प्रतिशत छ। बुधबार देशभर एक हजार ६०६ जना संक्रमणमुक्त भएका छन्। मन्त्रालयको तथ्यांक अनुसार ६ लाख २४ हजार ७११ जना संक्रमित निको भइसकेका छन्।
पछिल्लो २४ घण्टामा १८ जना संक्रमितको मृत्यु भएको छ। हालसम्म ९ हजार ४३० जना संक्रमितको मृत्यु भइसकेको छ।
देशभर २६ हजार ६४७ जना सक्रिय संक्रमित रहेको स्वास्थ्य मन्त्रालयले जनाएको छ। तीमध्ये २४ हजार ९९ जना संक्रमित होम आइसोलेसन र २ हजार ५४८ संस्थागत आइसोलेसनमा रहेका छन। संस्थागत आइसोलसनमध्ये ५९९ जना आइसियुमा र १७२ जनाको भेन्टिलेटरमा राखि उपचार भईरहेको छ।