प्रतिनिधिसभा पुनःस्थापना गर्ने सर्वोच्चको परमादेशको पूर्णपाठ
प्रकाशित मिति : असार २८, २०७८ सोमबार
सर्वोच्च अदालतले प्रतिनिधिसभा पुनःस्थापना गर्ने फैसला गरेको छ। प्रतिनिधि सभाका १४६ सदस्यहरुले दायर गरेको रिटमाथि फैसला सुनाउँदै सर्वोच्चले सोमबार प्रतिनिधिसभा विघटनको निर्णय बदर गरेको हो। अदालतले कांग्रेस सभापति शेरबहादुर देउवालाई २ दिनभित्र प्रधानमन्त्रीमा नियुक्त गर्न र प्रतिनिधिसभाको बैठक ७ दिनभित्र बोलाउन पनि परमादेश गरेको छ।
चोलेन्द्रशमसेर राणा नेतृत्वको संवैधानिक इजलासले यस्तो आदेश गरेको हो।
इजलासले असार ९ गतेदेखि संसद् विघटनको मुद्दामा निरन्तर सुनुवाइ थालेको थियो। सुनुवाइअन्तर्गत असार २१ गते रिट निवेदक पक्ष, विपक्ष र विज्ञ कानुन व्यवसायीहरुको एमिकस क्युरीका सदस्यहरुको बहस सकिएको थियो।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले जेठ ७ गते मध्यराति संसद् विघटन गरेकी थिइन्। संसद् विघटनसँग सम्बन्धित ३० वटा रिट निवेदनहरु सर्वोच्च अदालतमा दायर भएका थिए।
पूर्णपाठका लागि तलको लिंकमा क्लिक गर्नुहोला