नेपालमा २१६९ जनामा संक्रमण पुष्टि, २२ काे मृत्यु
प्रकाशित मिति : असार २६, २०७८ शनिबार
पछिल्लो २४ घण्टामा नेपालमा थप दुई हजार १६९ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएका ६ हजार ५ सय ३० पिसीआर परीक्षण र ३ हजार ८ सय ८७ एन्टिजेन परीक्षणमा उक्त संख्यामा संक्रमण पुष्टि भएको हो।
थपिएकामध्ये काठमाडौं उपत्यकाका ४ सय १४ रहेका छन्। जसमा काठमाडौंका ३०३,भक्तपुरका ५१ र ललितपुरका ६० जना छन्।
यस्तै, नेपालमा थप एक हजार ४३२ जना संक्रमणमुक्त भएका छन्। यससँगै नेपालमा कोरोना संक्रमित भई निको हुनेको संख्या छ लाख १८ हजार ३६१ पुगेको छ। नेपालमा संक्रमणमुक्त दर ९४.५ प्रतिशत रहेकाे छ भने मृत्युदर १.५ प्रतिशत छ।
पछिल्लो २४ घण्टामा नेपालमा थप २२ जनाको मृत्यु भएको छ। योसँगै नेपालमा कोरोना संक्रमणका कारण मृत्यु हुनेको संख्या ९ हजार ३ सय ६२ पुगेकाे छ।