बढ्दै कोरोना संक्रमण, २९७९ संक्रमित थपिए, २८ को मृत्यु
प्रकाशित मिति : असार २३, २०७८ बुधबार
निषेधाज्ञा खुकुलो बनाइएको केही दिनमै नेपालमा पुनः कोरोना संक्रमण दर बढ्दै गएको छ। बुधबारमात्रै २ हजार ९७९ जनामा कोरोना संक्रमण पुष्टि भएको छ।
११ हजार ८९८ नमुना परीक्षण गर्दा २ हजार ९७९ जनामा संक्रमण देखिएको छ।
नेपालमा हालसम्म ३३ लाख ९१ हजार ३७९ जनाको पिसिआर र २ लाख १७ हजार ४२१ जनाको एन्टिजेन विधिबाट नमुना परीक्षण भएको छ।
जसमध्ये पिसिआरमार्फत् ६ लाख ५० हजार १६२ र एन्टिजेनमार्फत् ४० हजार ८१२ जनामा संक्रमण पुष्टि भएको छ।
स्वास्थ्य मन्त्रालयको तथ्यांक अनुसार ६ लाख ९० हजार ९७४ जनामा संक्रमण देखिइसकेको छ। बुधबार १ हजार ३३३ जना संक्रमणमुक्त भएका छन्। योसँगै निको हुनेको संख्या ६ लाख १४ हजार ३२७ रहेको छ।
बुधबार सक्रिय संक्रमितको संख्या २३ हजार ७५६ छ। जसमध्ये २ हजार ७८८ संस्थागत आइसोलेसनमा छन्।
मन्त्रालयका अनुसार ५७१ जनाको आइसियू र १६१ को भेन्टिलेटरमा उपचार भइरहेको छ।
बुधबार कोरोना संक्रमणबाट २८ जनाको निधन भएको छ। योसँगै कोरोना संक्रमणका कारण ९ हजार २९१ जनाको मृत्यु भइसकेको छ।
यस्तै, काठमाडौं उपत्यकामा ५४३ संक्रमित थपिएका छन्। जसमा काठमाडौंका ३९०, भक्तपुरका ६७ र ललितपुरका ८६ रहेको मन्त्रालयले जनाएको छ।
यस्तो छ ७ दिनको तथ्यांक
असार २३ः २९७९
असार २२ः २६३४
असार २१ः २६२२
असार २०ः १६०३
असार १९ः २३२८
असार १८ः २२९९
असार १७ः २७६०
असार १६ः २८२९