घट्दो कोरोना : २४७६ संक्रमित थपिए, २७ जनाको मृत्यु
प्रकाशित मिति : असार ११, २०७८ शुक्रबार
पछिल्लो २४ घण्टामा नेपालमा २ हजार ४७६ जनामा कोरोना संक्रमण पुष्टि भएको छ। स्वास्थ्य मन्त्रालयका अनुसार देशभरका प्रयोगशालामा १४ हजार ३५१ जनाको पिसिआर र ४ हजार ७ सय ६५ जनाको परीक्षण गर्दा २ हजार ४ सय ७६ जनामा कोराना पुष्टि भएको हो।
यो सँगै नेपालमा कोरोना संक्रमितको संख्या ६ लाख ३१ हजार १५२ पुगेको छ।जसमध्ये ४५ हजार ७ सय ९४ सक्रिय संक्रमित छन्।
यस्तै, देशभर २७ जना संक्रमितको मृत्यु भएको छ। हालसम्म कोरोना संक्रमणबाट मृत्यु हुनेको संख्या ८ हजार ९४५ पुगेको छ।
मन्त्रालयको तथ्यांक अनुसार पछिल्लो २४ घन्टामा देशभर ५ हजार ४५५ जना संक्रमित निको भएका छन्। नेपाल संक्रमित निको हुने दर ९१ दशमलब ३ प्रतिशत रहेको छ।
योसँगै नेपालमा हालसम्म ५ लाख ७६ हजार ४१३ जना संक्रमित निको भइसकेका छन्।
यस्तै, काठमाडौं उपत्यकामा ४ सय २७ जनामा संक्रमण पुष्टि भएको छ। जसमध्ये सबैभन्दा धेरै काठमाडौंका ३०८ रहेका छन्। यस्तै, भक्तपुरमा ४३ र ललितपुरमा ७६ संक्रमित थपिएको मन्त्रालयले जनाएको छ।