देशभर वर्षा, बाढी र पहिरोले नौ सडक पूर्ण रुपमा अवरुद्ध
प्रकाशित मिति : असार १, २०७८ मंगलबार
n’lDagL,! c;f/ M nuftf/ k/]sf] jiff{sf] sf/0f ?kGb]xLsf] ltgfp gbLdf cfPsf] af9L . af9Ln] gbL tl6o If]qdf a:tL hf]lvddf kg]{ vt/f /x]sfn] :yfgLo k|zf;gn] ;hu /xg hfgsf/L u/fPsf] 5 . t:jL/M e/t s]=;L=, /f;;
केही दिन यता निरन्तर भइरहेको वर्षाका कारण बाढी र पहिरोले नौ सडक पूर्ण रुपमा अवरुद्ध भएका छन्। तीन सडक एकातर्फबाट मात्रै सुचारु छन्।
पूर्व–पश्चिम राजमार्गको गैंडाकोट, धुस्सी सडक मंगलबार अवरुद्ध भएको छ। सिद्धार्थ राजमार्गको पाल्पामा गौडेपुल, धुम्सी सडक र साँफेबगर–मार्तडी–कोल्टी सडक बार्जुगाड र बल्दे–अम्कोट सडक सोमबारदेखि अवरुद्ध भएका छन्। त्यस्तै, डुम्रे–बेशीसहर–चामे सडक तिमाङ छहरा जेठ १६ गते अवरुद्ध भएकामा अझै खुल्न सकेको छैन। तानसेन–रिडि कोरला सडक पनि मंगलबार नै अवरुद्ध भएको छ।
कर्णाली राजमार्गको कालाखाला सैन र दरबारे बोटखाला सडक खण्ड मंगलबार अवरुद्ध भएको छ । खोड्पे–चैनपुर सडक दोल्यामोड, कचाली पनि अवरुद्ध बनेको छ ।
डिभिजन सडक कार्यालयहरुले विभिन्न सडक खण्डमा सडक पूरै वा आंशिक रुपमा सुचारु गरिरहेको सडक विभागले जनाएको छ । कालीकोटको बालीघाट, धनाडा, भिग्म सडक, दैलेखको बाङ्गेसिमल, कालाखाला सडकखण्ड र सिद्धार्थ राजमार्गको सिपपलडाँडामा एकातर्फबाट सडक खुलाइएको छ।
नारायणीले पार गर्यो खतराको विन्दु
निरन्तरको वर्षाका कारण नारायणी नदीमा पानीको वहावले खतराको विन्दु पार गरेको छ। जिल्ला आपत्कालीन सञ्चालन केन्द्रका अनुसार मंगलबार अपराह्न ४ बजेदेखि पानीको वहाव बढ्दै गएको हो ।
नारायणीमा पानीको वहाव मंगलबार साँझ ८:३० बजे ९.८७ मिटर पुगेको थियो। केन्द्रका अनुसार नदीमा पानीको वहाव ८ मिटरभन्दा माथि गएमा खतराको विन्दु पार गरेको बुझिन्छ। गत वर्ष साउन ६ गते बिहान नारायणीको सतह ९.९१ मिटर पुगेको थियो, जुन ४४ वर्ष यताकै बढी हो ।
नारायणीसँगै राप्ती र रिउ खोलामा पानीको वहाब वढ्दै गएकाले नदी तटीय क्षेत्रका जनतालाई सुरक्षित स्थानमा गई बस्न जिल्ला प्रशासन कार्यालले आग्रह गरेको छ । कार्यालयका प्रशासकीय अधिकृत खेमराज पौडेलद्वारा जारी सूचनामा पानीको वहाव बढेका समयमा दाउरा टिप्न र माछा मार्न भन्दै नदीमा नपस्न अनुरोध गरिएको छ । यस्तै औषधि, खाद्यान्न र महत्वपूर्ण कागज झोलामा तयारी अवस्थामा राख्न पनि तटीय क्षेत्रबासीलाई आग्रह गरिएको छ।
नारायणीका कारण भरतपुर महानगरपालिका वडा नं १६, २६, २७ र २८ र राप्ती नदीबाट वडा नम्बर २२ र २३ मा बढी असर पर्ने गरेको छ । त्यस क्षेत्रमा सतर्कता अपनाउन आग्रह गरिएको छ । महानगरका वडा नं २६ र २७ का हिरापुर, सिसई, न्यूरेनीलगायत ठाउँमा नारायणी तटबन्ध पार गरी मानव बस्तीतर्फ छिर्न शुरु गरेको छ ।