नेपाली उबर चालकमाथि क्यालिफोर्नियामा मास्क नलगाएका यात्रुबाट पेपर स्प्रे र दुर्ब्यबहार
प्रकाशित मिति : फाल्गुन २५, २०७७ मंगलबार
नेपाली उबर चालक शोभाकर खड्कामाथि मास्क नलगाएका महिला यात्रुहरुको समुहले दुब्र्यहार गरेको भिडियो अमेरिकाका मुलधारका संचारमाध्यहरुमार्फत भाइरल भएको छ । उक्त समुहले नेपाली उबर चालकमाथि खोक्नुका साथै मास्क च्यात्ने, फोन खोस्ने, पिरो स्प्रे छर्कने तथा अपशब्द बोल्ने लगायतका दुब्र्यबहार गरेका छन् ।
सान फ्रान्सिस्कोका प्रहरी प्रवक्ताका अनुशार एकजना महिलाले उबर चालकमाथि पेपर स्प्रेले आक्रमण गरेकी थिइन् । खड्काले आफूमाथि दक्षिण एसियाली आप्रवासी भएका कारण उनीहरुले निशाना बनाएको र विभेदकारी गाली गलौज समेत गरेको स्थानीय संचारमाध्यमलाई बताएका छन् ।
उबरले नेपाली चालकमाथि भएको यो आक्रमण भयावह भएको बताएको छ । उबरले दुब्र्यबहार गर्ने यात्रुको एकाउन्ट खारेज गरिदिएको समेत जानकारी दिएको छ ।
३२ बर्षका खड्कामाथि आइतबार दिउसो सिल्भर एभिन्यु र सान ब्रुनो एभिन्युमा दिउसो पौने १ बजे यस्तो दुब्र्यबहार भएको हो ।
UBER RIDERS COUGH ON, ASSAULT, PEPPER SPRAY DRIVER
Driver Subhakar Khadka, who is South Asian, says he believes he was targeted because of his race. He picked up 3 women in the Bayview yesterday afternoon on San Bruno Avenue. https://t.co/Tzr7kTfyKQ pic.twitter.com/f8PiHDZ9CZ— Betty Yu (@BettyKPIX) March 9, 2021
गाडीमा चढेकी एकजना महिलाले मास्क लगाउन अस्वीकार गरेपछि आफूले गाडी रोकेको तथा मास्क किन्नका लागि ग्यास स्टेशनति गाडी लैजाने क्रममा ती महिलाले दुब्यबहार सुरु गरेको बताएका छन् । भिडियोमा गाडीमा चढेकी महिलाले खड्कामाथि खोकेको देख्न सकिन्छ ।
ती महिलाले हातबाट फोन खोस्नुका साथै चालकको मास्क समेत च्यातेको भिडियोमा देखिएको छ । गाडीमा चढेका अन्य महिलाले चालकमाथि अपशब्द बोल्नुका साथै दुब्र्यबहार गरेको भिडियोमा देखिएको छ ।
प्रहरीले दुब्र्यहार गर्ने यात्रुहरुको पहिचानका लागि स्थानीयको सहयोगी मागेको छ । दुब्र्यबहार गर्नेहरु अहिलेसम्म पक्राउ परेका छैनन् । महामारीको समयमा क्यालिफोर्नियाको बे एरियामा एसियनमाथि घृणाजनक अपराध बढीरहँदा यो घटना भएको हो ।
उबरले क्षतिपूर्ति वापत चालक खड्कालाई १२० डलर दिएको छ ।