Follow @khasokhasmag

एकीकरण गर्ने भए १५ दिनभित्र निवेदन देऊ : निर्वाचन आयोग


प्रकाशित मिति : फाल्गुन २५, २०७७ मंगलबार

निर्वाचन आयोगले सर्वोच्च अदालतको फैसलापछि पूर्ववत अवस्थामै फर्किएका नेकपा एमाले र नेकपा माओवादी केन्द्रलाई एकीकरण गर्ने भए १५ दिनभित्र निवेदन दिन आह्वान गरेकाे छ ।

मंगलबार बसेको आयोगको बैठकले सर्वोच्च अदालतको फैसलाले नेपाल कम्युनिस्ट पार्टी(ने क पा) खारेज भएकाले एकीकरण गर्ने भए पुन: निवेदन दिनका लागि जानकारी दिने निर्णय गरेको हो ।

निर्वाचन आयोगले राजनीतिक दलसम्बन्धी ऐन २०७३ र राजनीतिक दलसम्बन्धी नियमावली २०७४ विपरीत नहुने गरी दुवै दलले आ–आफ्नो केन्द्रीय समितिबाट दल एकीकरण गर्ने निर्णय गर्नुपर्ने पनि बताएको छ ।

त्यस्तै केन्द्रीय समितिको निर्णयसहित नयाँ दलको रुपमा एकीकरण गर्ने भएमा एकीकरणपछि बन्ने नयाँ दलको नाम र चिन्हसमेत प्रस्ताव गरी १५ दिनभित्र आयोगमा निवेदन दिनका लागि नेकपा एमाले र नेकपा माओवादी केन्द्रलाई जानकारी दिने पनि आयोगद्वारा जारी प्रेस विज्ञप्तिमा उल्लेख छ ।

सर्वोच्च अदालतले आइतबार ऋषिराम कट्टेलको नेपाल कम्युनिस्ट पार्टीलाई आधिकारिकता दिएपछि नेकपा एमाले र नेपाल कम्युनिस्ट पार्टी माओवादी केन्द्र ब्युँतिएका हुन् ।

तिवारी र किराँतीलाई पार्टीको नयाँ नाम पेश गर्न निर्देशन
आयोगले सन्ध्या तिवारी र गोपाल किराँतीलाई पार्टीको नयाँ नाम पेश गर्न निर्देशन दिएको छ। आयोगले नेकपा (एमाले) र नेकपा माओवादी केन्द्रको हकमा नयाँ नाम प्रस्ताव गरी १५ दिनभित्र सुधारसहितको विवरण आयोगसमक्ष पेश गर्न तिवारी र किराँतीलाई निर्देशन दिएको हो।

२०७५ सालमा दुई ठूला दल नेकपा एमाले र नेकपा माओवादी केन्द्र एकीकृत भई नेकपा गठन भएपछि तिवारीले एमाले र किराँतीले माओवादी केन्द्र दर्ता गरेका थिए। त्यतिखेर माओवादी केन्द्र आयोगमा १५३ र एमाले १६० नम्बरमा दर्ता भएका थिए।

आयोगले सर्वोच्चको फागुन २३ को आदेशले नेकपा बदर भई दुवै राजनीतिक दल अलग अलग साविककै अवस्थामा कायम रहने जनाउँदै तिवारी र किराँतीलाई नयाँ नाम पेश गर्न भनेको हो ।

 

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com