टेक्सासवासीलाई मौसमको क्षति सफा र मर्मत अगाडि बिमा सुविधाका लागि ४ कदम चाल्न सुझाव
प्रकाशित मिति : फाल्गुन ८, २०७७ शनिबार
टेक्सासबासीलाई मौसमको क्षति सफा गर्नुअगाडि बिमा सुविधाका लागि फोटो खिच्न र बिल राख्न सुझाव दिइएको छ । संघीय आपतकालीन व्यवस्थापन एजेन्सी फेमाले मौसमबाट भएको क्षति सफा गर्नुअगाडि चारवटा कदम चाल्न सुझाव दिएको छ ।
खराब मौषमका कारण टेक्सासमा कैयन घरहरुमा पानीका पाइपहरु फुटेर क्षति पुगेको छ भने अन्य प्रकारका क्षतिहरु समेत देखिएको छ । सुरुमा क्षतिको सबै तस्वीरहरु लिन फेमाले सुझाव दिएको छ ।
Texas: As you start the clean up process:
1⃣Take photos of the damage.
2⃣Start your insurance claim.
3⃣Save your expense receipts.
4⃣Report your damages to @TDEM https://t.co/CS9aF5fOK3 https://t.co/rumoFAnwow— FEMA Region 6 (@FEMARegion6) February 19, 2021
त्यसपछि आफ्नो विमा दावी सुरु गर्न सुझाव दिइएको छ । तेश्रोमा मर्मत गर्दा खर्च भएका सबै बिलहरु सुरक्षित राख्न सुझाव दिइएको छ । त्यस्तै कुनै पनि प्रकारको क्षति भएकाहरुले आफ्नो क्षति फर्म भरेर रिपोर्ट गर्न समेत सुझाव दिइएको छ ।
Winter storm damage? Talk to your insurance company before you start repairs. Save your receipts, even those for temporary repairs. Your policy may cover those too. https://t.co/rkwL5t5rlM
— Texas Department of Insurance (@TexasTDI) February 19, 2021
टेक्सास डिपार्टमेन्ट अफ इन्सुरेन्सले पनि मर्मत गर्नु अगाडि बिमा कम्पनीसँग कुराकानी गर्न सुझाव दिएको छ । मर्मतको खर्च बिमाले कभर गर्न सक्ने भएकाले यी कदमहरु चाल्न सुझाव दिइएको हो ।
बिमाका अधिकांश पोलिसीहरु पाइप फुटेर भएको क्षतिका लागि रकम तिर्ने जनाइएको छ । विद्युत आपूर्तिमा अवरोध उत्पन्न भएकाले घरमा बस्न नसक्ने भएमा आफ्नो विमा एजेण्टलाई फोन गर्न सुझाव दिइएको छ । क्षतिका कारण घरमा बस्न नसकेको अवस्थामा कतिपय विमा कम्पनीहरुले मर्मतसम्मका लागि होटल वा शेल्टरमा बसेको रकम तिर्न सक्छन् ।
हिउँको भार वा बरफले घरमा क्षति पुगेको भएतापनि त्यसको क्षतिपूर्ति प्राप्त हुन सम्भव छ । रुखहरु ढलेर घरमा क्षति पुगेको अवस्थामा घरको बिमालाई र रुख ढलेर गाडीमा क्षति पुगेको अवस्थामा गाडीको बिमा कम्पनीलाई सम्पर्क गर्न सुझाव दिइएको छ ।