नेपालमा थपिए ३०२ कोरोना संक्रमित, पछिल्लो २४ घण्टामा ७ जनाको मृत्यु
प्रकाशित मिति : माघ ९, २०७७ शुक्रबार
❒ नेपालमा कुल कोरोना संक्रमित २ लाख ६८ हजार ९४८ पुगे, हाल सक्रिय संक्रमितको संख्या ३ हजार ६१४
❒ पछिल्लो २४ घण्टामा ४८० जना कोरोना संक्रमणमुक्त, हालसम्म २ लाख ६३ हजार ३४८ संक्रमणमुक्त
❒ थप ७ जनाको मृत्यु, ज्यान गुमाउनेको संख्या एक हजार ९ सय ८६ पुग्यो
❒ खसोखासमा थप समाचारहरुका लागि यहाँ क्लीक गर्नुहोला ।
नेपालमा थप ३०२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा ३०२ जनामा संक्रमण देखिएको हो । योसँगै नेपालमा कुल कोरोना संक्रमितको संख्या २ लाख ६८ हजार ९४८ पुगेको छ ।
पछिल्लो २४ घण्टामा ४८० जना कोरोना संक्रमणमुक्त भएका छन् । हालसम्म २ लाख ६३ हजार ३४८ संक्रमणमुक्त भएका छन् । यस्तै कोरोनाबाट थप ७ जनाको मृत्यु भएको छ । यससँगै नेपालमा कोरोनाबाट ज्यान गुमाउनेको संख्या एक हजार ९ सय ८६ पुगेको छ ।
नेपालमा हाल संक्रिय संक्रमितको संख्या ३ हजार ६१४ रहेको छ ।