नेपालमा थपिए ३३६ संक्रमित, पछिल्लो चौबीस घण्टामा ४ जनाको मृत्यु
प्रकाशित मिति : माघ ८, २०७७ बिहीबार
नेपालमा पछिल्लो २४ घण्टामा थप ३३६ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा ३३६ जनामा संक्रमण देखिएको हो । योसँगै नेपालमा कुल कोरोना संक्रमितको संख्या २ लाख ६८ हजार ६४६ पुगेको छ ।
पछिल्लो २४ घण्टामा २२६ जना कोरोना संक्रमणमुक्त भएका छन् । हालसम्म २ लाख ६२ हजार ८६८ संक्रमणमुक्त भएका छन् । आजको कोरोनाबाट थप ४ जनाको मृत्यु भएको छ । यससँगै नेपालमा कोरोनाबाट ज्यान गुमाउनेको संख्या एक हजार ९ सय ७९ पुगेको छ ।
नेपालमा हाल संक्रिय संक्रमितको संख्या ३ हजार ७९९ रहेको छ । (नोट : यो समाचार अपडेटको क्रममा छ । )