लण्डनमा उपचाररत पूर्व गोर्खा गुरुङको कोभिडबाट निधन

प्रकाशित मिति : पुस १६, २०७७ बिहीबार

कोभिड संक्रमणबाट बेलायतमा एक पूर्व गोर्खाले ज्यान गुमाएका छन् ।

लण्डनको नर्थहोल्ट बस्दै आएका ५८ वर्षीय गोर्खा खुशीमान गुरुङको स्थानीय नर्थविक पार्क अस्पतालमा उपचारका क्रममा बुधबार साँझ निधन भएको तमु समाज यूकेका अध्यक्ष शिवचन्द्र गुरुङले नेपाली लिंकलाई जानकारी दिए ।

तमु समाज यूकेको वर्तमान कार्यसमितिका सदस्य समेत रहेका मृतक १८ दिनअघि अस्पताल भर्ना भएका थिए । उच्च रक्तचाप र मधुमेहको समस्याबाट पीडित उनलाई कोरोना संक्रमण भएपछि अस्पताल भर्ना गरिएको समाजका अध्यक्ष गुरुङले बताए ।

मृतक गुरुङका श्रीमती र एक छोरा छन् । पर्वत जिल्लाको रापु पुर्ख्यौली भएका उनको परिवार पछिल्लो समय पोखरामा बस्दै आएको थियो ।

तमु समाज यूकेले गुरुङको निधनमा गहिरो शोक व्यक्त गरेको छ । ‘समाजको काममा सधै सक्रिय हुनुहुन्थ्यो । हरेक बैठकमा आउने, सल्लाह सुझाव दिनुहुन्थ्यो’, अध्यक्ष शिवचन्द्र गुरुङले भने, ‘असामयिक रुपमा उहाँलाई गुमाउनुपर्दा हाम्रो सिंगो समाज स्तब्ध बनेको छ ।’

बेलायतमा कोभिड संक्रमणबाट ज्यान गुमाउने नेपालीको संख्या ७० को हाराहारीमा छ । जसमध्ये अधिकांश पूर्व गोर्खाहरु छन् ।

बेलायतमा कोभिड महामारीको पहिलो छालका क्रममा केही महिनाअघि नै धेरै नेपालीको निधन भएपनि हालैका दिनमा भने कोरोनाले नेपालीका मृत्यु भएका खबर सार्वजनिक भएका थिएनन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com