पाथीभरा मन्दिर क्षेत्रमा डढेलो
प्रकाशित मिति : पुस ११, २०७७ शनिबार
ताप्लेजुङको पाथीभरा मन्दिर क्षेत्रको सामुदायिक वनमा डढेलो लागेको छ । प्रमुख जिल्ला अधिकारी झरेन्द्रप्रसाद चापागाईँका अनुसार फेदीको बस्तीदेखि करिब ३ किलोमिटर पूर्वको जंगलमा डढेलो लागेको हो । यो क्षेत्रमा बिहीबारदेखि नै डढेलो लागेको भएता पनि शुक्रबार दिउँसो नियन्त्रणमा लिइएको थियो । तर, शुक्रबार राति फेरि डढेलो सुरु भएको हो ।
डढेलो नियन्त्रणका लागि आज बिहान सदरमुकामबाट नेपाल प्रहरी, नेपाली सेना, सशस्त्र प्रहरीको टोली सो क्षेत्रमा गएको बताइएको छ ।